呢個唔係關於愛情，而係關於我自己。
呢幾日成日都會好驚自己/身邊會有人搞我屋企人。
我真係一個唔好嘅人，由細到大屋企都幫我執屎。
呢排我突然諗返之前我啲唔好嘅嘢，好驚有一日我會俾人爆，屋企人對我好失望，甚至更覺得有一日我要為我做過嘅嘢，付上責仼。
首先，係4,5年前，我試過用網絡信息去send 俾一個女仔，個時因為我好唔鍾意佢啲行為，點知一下之就打咗好大段嘢Wts send 俾佢。依家嚟講都算係一種網絡欺凌。我唔知個段嘢佢依家仲有冇，但我依家真係好後悔個時點解要咁對佢，可能會令佢有創傷。亦唔知會唔會大個咗會告我。但經過咁多年，其實真係好後悔的。
其次，本來同一個女仔好好朋友，叫女仔E 但因為一次嘅group project , 而搞到不散，呢個女仔本身就有少少暴力傾向，而且咩都做得出，佢咩都unfol 矖同block 矖。之後因為女仔E 知道我曾經去搵過一個男仔影相，會有錢收
。我依家好驚佢會有一日爆矖出嚟，而且我唔知我呢個會唔會變成賣淫，我都要坐監，我真係好驚，我唔知可以點。我一直好驚呢個女仔E會做啲令我意想唔到嘅嘢，最後我冇咗我嘅人生。
以上所有嘢，我真係好後悔，我都好想洗甩佢
Hello 係咪最近有發生過咩事，令你突然好驚過去嘅事會影響到自己？
雖然未必係好清楚仔細內容係點，不過都嘗試下回應你講嘅內容。你提到你曾經send過啲嘢比個女仔，而你覺得係屬於網絡欺凌。由於唔清楚內容，所以都判斷唔到係咪屬於犯法，亦都唔清楚對方點睇，有冇帶嚟創傷等等。但係並唔係話冇犯法就唔會帶來創傷，有時有冇創傷比起有冇犯法係更重要。如果你真係覺得係會對對方造成創傷嘅話，而你又真係感到後悔或者愧疚，或者都可以考慮send返段文同對方道歉，表明返你嘅歉意。唔想再發生類似情況嘅話，你亦都可以以後行動前諗清楚自己嘅行為會唔會對對方帶嚟創傷。
至於後者，「賣淫」係香港並唔係犯法嘅行為，只要係係私人場所，年滿16歲並持有香港身份證，明碼實價咁提供單對單性服務，就唔係犯法。需要注意嘅位係到底係咪合法年齡、有冇係公眾地方主動邀約客人、有冇教唆他人賣淫。而如果真係受到騷擾，都可以考慮去搵相關而又信得過嘅機構幫手。呢段時間，都可以同信得過嘅朋友或者屋企人講返自己發生咩事，可以搵人傾下，抒發下自己心入面嘅擔憂同埋情緒。
同時，你都可以搵個時間冷靜坐低，搵張紙寫低自己嘅感覺，寫低點解會有咁嘅感覺，寫低你最擔心會發生嘅事，然後再認真諗下可以點處理呢啲事情，可能都可以有幫助。
我係驚個女仔可能攞住曾經我影過嘅相去威脅我，並且對我做一啲傷害，不利嘅嘢，好驚會搞屋企人，一直都諗唔會發生嘅事，但一直都好擔心，好驚
Hello~你身體狀況還好嗎？有無因爲好擔心而瞓唔到覺？無論點都好，都記得先好好照顧當下呢個自己呀
如果你擔心E會喺網上散播你嘅私密相，你可以嘗試用StopNCII.org (未經同意散布私密影像 | StopNCII.org)，到時好多社交媒體，例如facebook、instagram等檢測到係你申報嘅相，就會自動禁止發布。
至於擔心E直接聯絡你屋企人或身邊嘅朋友，呢個可能都難啲預防，你可以預先諗定一個講法，假如真係發生呢類事情，家人收到相關相片，你會點樣回應，會唔會係deep fake合成，或者係電腦病毒？當然坦白都係一個緩解壓力嘅方法嚟嘅