我想問下有關性行為嘅嘢啦
假如我事先係體外射咗啦 而射完之後我有立刻洗乾淨同埋攞濕紙巾清潔咗 跟住我同女仔發生性行為 而我又冇帶套 咁會唔會有BB呢
跟住女仔嘅m期係未穩定嘅 上網cheak過都話m期唔穩定就冇咁易有B
Hello
其實無論體外射精定係體內磨擦，只要性器官有直接接觸就會有意外懷孕嘅機會。所以如果你係冇帶安全套進行性行為嘅話，就代表有意外懷孕嘅機會。因為男性性興奮嘅時候會分泌透明嘅尿道球腺液，當中有機會含有少量精子。
至於你話月經周期唔穩定，就較低機會懷孕，呢個說法可以話係唔正確。因為如果女性嘅月經周期唔穩定，就代表佢嘅排卵期有機會都唔穩定，如果呢一類女性係用安全期嘅方法去計算自己懷孕嘅機會就會非常危險，因為計算安全期係需要穩定嘅月經周期，從而推斷邊啲日子為安全期/危險期/排卵日。而月經周期唔穩定，就更難估計發生性行為嘅日子係咪屬於危險期/排卵期，再加上冇安全套嘅性行為，係有一定嘅懷孕風險。
咁我應該點做先會令個女仔唔會懷孕呢？
一方面你可以使用安全套，佢可以有效地避免懷孕同埋預防性病。另外亦都有其他嘅安全措施：避孕丸，避孕針，子宮環等。當然建議你同對方係有溝通過，有共識嘅情況之下同意使用邊一種安全措施，因為並唔係所有人都適合使用所有安全措施。