我今日同女朋友做愛 做嘅過程之中唔清楚安全套係咪有滑落現象 之後我低頭諗住望吓安全套係咪喺自己視線範圍內 但我睇唔到安全套 之後我用手諗住摸吓確認安全套嘅位置 先摸到安全套疑似卡喺陰道範圍 但我一節手指左右就可以拉返個安全套出返少少 後來射精完事後 我打算掹返嗰安全套出嚟 都係大概要伸入一節左右但唔多過一節嘅手指掹返安全套出嚟 事後我check過安全套冇穿冇爛 同埋我啲精都喺安全套裏面
咁我想問吓呢個情況算唔算安全套卡咗喺我女朋友陰道內？同埋會唔會話唔小心漏咗啲分泌物入佢陰道內？會唔會有懷孕風險要睇醫生？
希望有人可以解答到我嘅問題
利申我全程都有用安全套 過程冇掹過安全套
睇嚟都安全！因為你睇到精液都全部在套內。同埋個套都好貼身所以都唔使太過擔心。反而食事後丸令到你女朋友身體好傷的。我之前食過，要睇中醫調理一段時間。建議食事前避孕丸，即是每天一粒的。反而避孕效果非常好，又唔使擔心。同你女朋友傾吓！
Hello~首先會想問下個安全套嘅尺寸合唔合適？會唔會有過緊/過鬆嘅情況？同埋有冇灌水檢查安全套有冇穿？如果尺寸唔啱嘅話，係有較大機會出現甩套同破裂嘅情況，咁懷孕機率就較高。如果成個安全套都係卡咗喺陰道入面嘅話，咁精液就有機會喺安全套口流出嚟，接觸到陰道嘅話就有機會導致懷孕。不過如果個套冇穿，而安全套口係喺陰道外面嘅話，咁懷孕機率雖然仍然存在，但相對嚟講就會低啲。
如果真係好擔心嘅話，可以考慮喺性行為之後嘅72/120小時內服用事後丸。不過要留意事後丸喺香港屬於醫生處方藥物，需要去私家診所，或者公營醫療機構，例如家計會或者醫院急症科先能夠取得。而事後丸係高劑量的荷爾蒙藥物，服用後會擾亂嚟緊1-3個月嘅月經周期，同埋有機會出現唔同程度嘅副作用，需要有心理準備。而喺一個月經周期內最好唔好食多過一次事後丸，以免對月經嘅影響太大，導致不育。所以如果選擇服用嘅話，咁呢個月經週期剩低嘅日子就要使用更高效嘅避孕措施啦！
而無論食唔食事後丸都好，如果想知有冇懷孕嘅話，可以喺性行為之後嘅7-11日進行驗孕，7日嘅時候會有初步結果，11日之後嘅驗孕結果就最為準確，如果個結果係陰性嘅話就可以確定冇懷孕啦🫶🏻。
安全套size都係適中size
冇入水test佢 但係肉眼見到冇穿冇爛
如果係咁嘅話，懷孕嘅可能性係比較低嘅。不過就要留意下次使用安全套嘅時候，要喺陰莖仍然勃起嘅情況下抽出陰道，避免再次出現鬆脫嘅情況。