女朋友喺黎M之前食咗事前丸，食咗之後冇黎M，今日隔咗10日之後有少少出血，會唔會係有咗BB？無黎到M係咪正常？因為上網見到話會調亂個週期。
Hello~因為事後丸係高劑量嘅荷爾蒙藥物，好似你咁講係會擾亂嚟緊一至三個月嘅月經周期嘅，所以有機會導致月經遲嚟。不過一般來講，食完事後丸之後嘅一個禮拜內會出現撤退性出血，情況同嚟M差唔多，不過出血量同埋日數都會較短，可以當一次月經計算。由於唔係每個人食完事後丸都會出現撤退性出血，所以就算冇出現出血都唔代表事後丸冇發揮作用嘅。如果想知道有冇懷孕，其實唯一客觀可靠嘅方法就係驗孕，如果今日距離你最後一次性行為已經超過咗11日，咁個驗孕結果就非常準確，係陰性嘅話就能夠確定你女朋友冇懷孕，咁接下來只要耐心等候月經嘅到來就可以啦🫶🏻