經期第4日無套有性行為不過無內射
經期正常30日一次
有冇懷孕風險，要唔要食事後
Hello~因為排卵期係有機會同月經重疊嘅，所以無論喺月經週期嘅邊一日進行性行為都好，只要冇做好安全措施，就會有懷孕風險。雖然你話冇內射，但因為陰莖喺射精之前已經會分泌尿道球腺液，內含少量精子，直接接觸到陰道都係會導致懷孕嘅，所以係有懷孕風險嘅。
如果想保險啲嘅話，可以考慮喺性行為之後嘅72/120小時內服用事後丸。不過要留意事後丸喺香港屬於醫生處方藥物，需要去私家診所，或者公營醫療機構，例如家計會或者醫院急症科先能夠取得。而事後丸係高劑量的荷爾蒙藥物，服用後會擾亂嚟緊1-3個月嘅月經周期，同埋有機會出現唔同程度嘅副作用，需要有心理準備。而喺一個月經周期內最好唔好食多過一次事後丸，以免對月經嘅影響太大，導致不育。所以如果選擇服用嘅話，咁呢個月經週期剩低嘅日子就要使用更高效嘅避孕措施啦！
而無論食唔食事後丸都好，如果想知有冇懷孕嘅話，可以喺性行為之後嘅7-11日進行驗孕，7日嘅時候會有初步結果，11日之後嘅驗孕結果就最為準確，如果個結果係陰性嘅話就可以確定冇懷孕啦🫶🏻。
1個讚