好驚好驚好驚 11號同男朋友上床 開始左無耐發現個套穿左 過程大約係5分鐘 之後就無繼續做 男朋友都無射到正常會係今日或者下星期五黎m 而家好驚會有bb 想問咁樣懷孕機率大唔大
Hello~ 因為陰莖喺射精之前已經會分泌尿道球腺液，內含少量精子，直接接觸到陰道都係會導致懷孕嘅，所以就算冇射精都好，個套穿咗都係有懷孕風險嘅。雖然風險冇無套內射咁高，不過如果擔心嘅話，可以考慮喺性行為之後嘅120個小時內服用事後丸。要留意事後丸喺香港屬於醫生處方藥物，需要去私家診所，或者公營醫療機構，例如家計會或者醫院急症科先能夠取得。而事後丸係高劑量的荷爾蒙藥物，服用後會擾亂嚟緊1-3個月嘅月經周期，同埋有機會出現唔同程度嘅副作用，需要有心理準備。而喺一個月經周期內最好唔好食多過一次事後丸，以免對月經嘅影響太大，導致不育。所以如果選擇服用嘅話，咁呢個月經週期剩低嘅日子就要使用更高效嘅避孕措施啦！
而無論食唔食事後丸都好，如果想知有冇懷孕嘅話，可以喺性行為之後嘅7-11日進行驗孕，7日嘅時候會有初步結果，11日之後嘅驗孕結果就最為準確，如果個結果係陰性嘅話就可以確定冇懷孕啦🫶🏻。
至於月經延遲嘅原因有好多，體重過輕，壓力大，生活唔規律…都會導致月經遲嚟。除非月經比起平時遲咗三個星期以上都未嚟，先至需要睇醫生，等醫生考慮會唔會處方荷爾蒙藥物畀你去催經。因為你話預計今日到下星期五之間嚟m，所以現階段可以再等下先嘅～