Hello想查詢我呢個情況偏向似著床出血定係月經前流啡
根據過往月經週期，預計今日會嚟m
上個禮拜開始有啲胸部脹痛同敏感，白帶都開始多，同埋呢幾日會腹痛可能係經前症候群？
我尋日早上用驗孕棒check過，係陰性一條線
因為16日前同7日前都有性行為，但係全程戴套，兩次完事後打結後jit過應該冇漏
我明白驗孕棒淨喺可以確保11日前嘅性行為冇導致懷孕
7日前嗰個就未可以完全排除
但尋日下晝同晚上我肚有唔舒服同痛，應該都持續咗幾個鐘
尋日傍晚發現內褲上有少量啡色跡，所以墊咗m巾
晚上時發現m巾上有兩滴啡色
之前見到你們貼文話回覆話著床出血係一次性同埋係一塊護墊可以承受嘅量
- 我想問呢度嘅一次性會好似我咁樣幾個鐘分別有幾滴（唔知係啡色血定係啡色分泌物）嗎？定係真係只會有一下出血，之後唔會出血
因為今日早上分泌物好像仲夾帶啲黃啡色，唔知係尿液夾在分泌物定係流啡混合係分泌物裡面，但係就係未真係嚟m/出現深紅色血
-
請問會係谷谷下m嘅情況下突然著床嗎？因為雖然尋日早上驗孕係陰性，但係著床又會係6-9日才完成，唔知會唔會尋日晚上先突然著床所以先有少量啡色血？
-
所以想請問我呢個情況比較似係著床出血定係月經前流啡？
感謝
今日都有癡護墊，依家發現上面有一片偏黃嘅淡黃啡色（？）
尿液應該唔會係咁樣一片？
但係係顏色上我又唔係好肯定係尿液定係流啡
如果佢真係流啡，想問顏色算正常嗎？
同埋如果佢真係啡色分泌物/啡色血嘅話，請問仲會有係著床出血嘅可能嗎？
因為網上見到著床出血可能會持續幾個鐘或一至兩日，請問呢個講法正確可信嗎？
Hello你好啊！
其實只要安全套尺寸正確、全程正確使用、一直用開嘅款，避孕嘅效果可以去到97%以上，唔需要太擔心懷孕嘅，加上睇翻你嘅情況，見到都全程使用安全套，事後都有檢查，確保安全套冇穿，所以懷孕風險係好低嘅。
岀血好可能係因為就嚟有月經，依個月經前嘅前兆，通常一兩天之內月經就會出現，偶爾出現月經前分泌物屬正常，咖啡色嘅小出血或者血絲屬於子宮內膜崩落嘅一部分，先係小量月經崩落出血，再嚟就係月經，而着床性出血嘅顏色係鮮紅色嘅，同你嘅分泌物顏色唔同，唔需要太擔心～
至於點解有分泌物，其實正常狀況下，白帶都會隨生理週期而變化。 排卵期時白帶會特別多，而且呈透明水狀，好似蛋清。 而喺月經前，白帶會變白、變濃稠，甚至有啲偏黃，就好似圖中嘅分泌物咁。
明白發生性行為後會好擔心有懷孕嘅可能，其實除咗安全套，亦都可以考慮使用荷爾蒙避孕，例如避孕藥。
