食緊yaz有一段長時間 而月經多數都會係白色藥第三/四日 甚至係新一排第一粒先黎m 每次去到第四日未黎m都好驚 想問下月經係超過第四日幾多日後未黎先叫唔正常？因為有聽過d人會遲兩三日甚至四日先黎
Hello~其實事前藥嘅嚟m期係因人而異嘅。首先，你要知道事前避孕藥係高劑量嘅荷爾蒙藥物，佢嘅原理係通過提高身體嘅荷爾蒙水平嚟抑制排卵，同埋改變子宮內膜環境，從而達到避孕嘅效果。而當食到白色藥丸嘅時候，因為白色藥丸並冇荷爾蒙成份，所以身體嘅荷爾蒙水平就會下降，而呢個下降就會導致身體出現撤退性出血，即係嚟M嘅效果。但係因為每個人消化同埋代謝荷爾蒙嘅速度係唔一樣嘅，所以其實冇一個定義話幾時嚟先至係正常。睇返你嘅情況，較大機會係因為你身體消化荷爾蒙嘅速度較慢，所以可能要去到食藥嘅較後期，身體嘅荷爾蒙水平先至達到會有撒退性出血嘅低點，甚至乎有一部份人士服用事前避孕藥之後係會唔嚟M嘅。只要你每日都有準時食藥，冇漏食嘅話，避孕效果係可以高達99%以上嘅，所以就算去到第四日都未嚟M都唔需要擔心懷孕嘅。當然，你亦都可以考慮搵醫生複診，睇吓需唔需要轉過另一隻荷爾蒙劑量較低嘅事前藥，等你嘅身體可以係短啲嘅時間消化荷爾蒙，咁就可以早啲嚟M啦～
1個讚