我食緊24+4既事前避孕藥，琴晚11點食第21粒，宜家凌晨3點左右就開始有血，比前幾日多左少少，但仲有三粒有藥效既未食，咁我算唔算提早嚟m
糾正返少少，係前兩日開始有啲啲血，今日凌晨三點先開始變多
Hello 你係咪呢幾個月啱啱開始食事前避孕藥呢？因為如果係啱啱開始食避孕藥嘅話，都有機會會出現唔同嘅副作用，例如你提到嘅不規則陰道出血就係其中一種。你亦都唔需要太過擔心，一般嚟講呢啲副作用都只會喺啱啱開始食避孕藥嘅頭三個月出現。你只要繼續啊按照返原本嘅周期同規律咁去食就可以啦。
希望幫到你
我今個月係第三個月呀，呢幾日都keep住有少少血，同埋上個月冇嚟過m（我肯定唔係有左，因為上兩個月都冇進行性行為），所以先有少少擔心，唔該晒你
我想問多少少，就係如果我想推遲幾日先嚟m，咁我係咪照舊keep住食有藥性既藥，食多一個禮拜，先再停四日，咁樣得唔得？
如果想推遲嚟M嘅話可以係食完呢一排之後直接開新一排，即係skip一個停藥期，係唔需要話食一個禮拜之後再停藥嘅。不過就要留意途中，有機會出現不規則嘅出血，如果出血量唔多嘅話，係唔需要理會嘅，繼續keep住每日準時食藥就可以。不過如果出現其他副作用，身體好唔舒服嘅話，咁可能就要睇醫生啦！