過往一年經期都穩定，每個週期大約32-36日。9月2-7號係最近一次經期，8號同9號都有唔安全嘅性行為而且冇食事後藥 (冇射精)。14號嘅時候有好似平時排卵期嘅蛋白狀分泌物，但只有一日，之後嗰2日右下腹都有啲痛。今日有用過驗孕棒check 1條線。App顯示呢幾日係排卵期，然後今日去完廁所抹見到有咁樣嘅分泌物，想知呢個會唔會有可能係着床出血？
好擔心，以後會食藥做足安全措施了
Hello 就咁睇，相信呢個都唔係着床出血，應該係排卵期嘅分泌物。着床出血都係啡色或者淡粉色嘅點狀出血，就未必會係咁嘅樣。
如果擔心會懷孕，都可以喺唔安全嘅性行為之後11日用驗孕棒驗多次孕，咁個次嘅驗孕結果就會係準確嘅結果啦。
最後，唔想下次再咁擔心嘅話，就記住要好似你所講咁，要做足安全措施啦！
明明預測兩日之後就係排卵日，呢一段時間都係排卵期，但係唔知點解呢一段時間嘅下體分泌都唔係有延展性透明。反而係好似漿糊咁感覺，偏向白色。想知道咁樣嘅分泌會唔會都可能係排卵期中間？頭先用咗排卵試紙，見到T比C淺色，係唔係即係準備排卵或者已經排咗？
Hello, 睇返你係凌晨1點同下午3點做左排卵試紙既相，我地見到排卵試紙上既T線開始出現(試紙結果係陰性)，代表黃體生成素開始增加，身體開始準備排卵，當T線同C線一樣深或者比C線深(試紙結果係陽性)，代表黃體生成素到達高峰，身體正在排卵；當T線變淺(試紙結果係陰性)，就表示已經排卵完成。所以，我地建議係今晚在檢測一次驗證係咪排卵完成。
另外，排卵期既分泌物呈透明偏奶白色，帶有黏性，好似蛋白嘅狀態，冇異味，就唔使過於擔心。但假如分泌物嘅顏色為黃色、綠色、帶血，而且量變多，並且出現異味同埋痕癢，有可能係因為冇妥善清潔性器官所造成嘅發炎，或者係其他性器官疾病嘅感染。所以我哋都建議要恆常檢查自己身體有冇異常嘅情況，如果有嘅話就要盡快睇醫生。