5月有做婦科檢查，顯示子宮正常，月經一直準時正常
到5月尾月經不斷，7天月經後仍有流血，每天大約少於一張護墊份量，直到下一次月經又會有正常7天的血量。
因家庭醫生診斷為內分泌失調，6月時開始使用優思明到現在已經第4個月，仍然維持上述情況，血色有偏啡，亦有時淺紅，會有少少月經似的血絲出現。
其間都有從其他角度著手，包括放鬆心情因上幾個月生活壓力都比較大。
有聽聞過可試中醫調理身體，可以一試嗎? 因為都有見自己身體比一年前患covid前差，會否都有影響?
想聽聽你們的意見，Thank you.
Hello, 月經好多時都會受好多項因素影響，例如：生活作息唔定時、情緒變化、壓力大、飲食唔均衡、最近有服用藥物（特別係抗生素類），尼啲既因素都會導致內分泌失調令女性月經唔穩定，例如：月經周期、血量、顏色既變化。經血量因人而異，所以就算是同一個人都會有時多啲、有時少啲狀況，由內分泌不平衡而引致經血過多可能要數月後自然消失，或者可能間歇性出現。不過血量多到會影響日常生活就需要注意啦。
月經過多會有尼啲情況：要用吸收力特強的衞生巾，而且每隔1至2小時便要更換；有血崩情況出現（有大量經血突然湧出）；訓覺個時，用左衞生巾但經血仍會染濕牀單；月經既時候或者過後感到頭暈、疲倦、身體唔舒服；會影響到工作、社交生活。
解決內分泌失調有多個方法，中醫調理身體係其中一個方法，要有耐心服藥同信任醫師，因為調理身體唔似感冒、咳嗽食幾次幾劑藥就好返，可能要一段較長既時間去服藥調理。不過因為見你食緊西藥，如果你想嘗試中藥嘅話都建議你可以先同家庭醫生講你而家嘅情況，即係依然有出血，咁睇吓兩者之間有冇啲乜嘢需要平衡返。
除咗中醫仲有呢啲方法，堅持住做運動去減壓（個人實踐嘅感受效果顯著）；保持心境愉快，心情情緒平和都有助改善內分泌平衡。
希望以上嘅資訊可以幫到你啦