我食緊yaz避孕，係第一盒尾二個日個粒黎m，依家non stop開咗新一盒食，想問係咪keep住食 係第一粒新嘅粉紅色藥丸嗰日都可以性行為？或者需要幾多日呢？感謝～
Hello~呢度想問吓你食嘅避孕藥係幾多粒裝嘅？ 事前口服避孕藥嘅服用方式係喺經期嘅第1-5日開始使用，如果係21粒嘅劑型，需要每日吃一粒，吃完21日停7日，下一包喺停藥嘅第8日開始服用，大約依照食3個禮拜、停1個禮拜嘅邏輯嚟服用。即係話如果你食緊嘅係21粒裝嘅話其實應該要停一個禮拜嘅。
如果選擇28粒嘅劑型，裏面就含有24粒有效錠同4粒無效錠、或者21粒有效錠同7粒無效錠兩種，用法都係由月經第一天開始服用，跟箭嘴指示每日吃一粒，唔需要停藥。一般嚟講，上述嘅低劑量口服避孕藥需要連續服用7至10天，當藥性喺血液中達到穩定濃度，先產生到避孕效果。如果正確服用，可以達到99.9％嘅避孕率。而當身體已經建立左藥性之後，咁就算中間有經歷停藥期（例如21粒裝嘅避孕藥需要停藥7日先開新一排）都好，都唔需要再等7-10日畀藥效去建立。即係話根據你嘅情況，你已經食完第一排藥嘅話，咁只要按返上述嘅規律去停藥/服用新嘅一排，就唔需要再等幾多日先至進行性行為，即係話就算你而家處於停藥期，未開新嘅一排都好，身體都已經有避孕嘅效果，唔需要擔心懷孕🫶🏻