之前同女朋友每次做都會發現，做做下個套會滑落一段距離，不過都覆蓋到成個龜頭同埋近五成陰莖。
但係個套入面已經見到分泌物，唔知滑落露出嘅陰莖部分表面會唔會有精子，每次都擔心套套滑落導致體液接觸到陰道搞出人命#1
最後想再請問下，水性潤滑劑係唔係可以降低精子活動能力？每次做會唔會都建議使用潤滑劑？
#1 下面畫左套套滑落嘅情況，粉紅色係套套滑落見到有少少體液嘅地方
Hello, 先多謝你既問題。
根據你講既情況，有可能係同安全套尺寸問題有關，只要戴返合適尺寸既安全套應該唔會再有性行為過程中半脫既情況。安全套嘅尺寸係指安全套嘅大小，就好似平日我哋買衫會有分尺碼一樣，需要透過量度陰莖嘅大小再決定要用咩尺寸嘅安全套。而安全套一般會以【 寬度 (Nominal Width)】或者【 直徑 (Diameter)】去顯示：
寬度 (Nominal Width) 【歐美／香港安全套品牌常用】
是安全套擠扁時橫向的長度，數值上是 圓周 (Circumference) 的一半。
量度方法係量度充血的陰莖根部的圓周，將圓周除二即等於闊度。
直徑 (Diameter) 【日本安全套品牌常用】
是安全套放平時圓形的直徑，算術上 直徑 x 3.14 = 圓周 。
量度方法係量度充血的陰莖根部的圓周，再除以3.14，便是陰莖直徑。
安全套嘅包裝盒上面通常都會寫有寬度或者直徑嘅數字，方便消費者去選擇。亦有一啲牌子唔會刻意係包裝上列出呢啲數值，有機會要上官網或者參考一啲性用品商店網站嘅資料。
另外，如果套入面已經有分泌物，係可能會有精子的，所以要選擇合適尺寸既安全套，避免有中途脫套既風險。
至於係咪每次性行為都需要使用潤滑劑，係好視乎陰道既濕潤程度，如果分泌比較足夠，有足夠濕潤都可以唔使用潤滑劑。不過如果濕潤程度不足，又使用安全套時，就建議使用潤滑劑，因為增加潤滑度令女方更舒適既同時，亦可減少安全套因乾涸摩擦有破裂既風險。
而水性潤滑劑係唔可以降低精子活動能力，任何潤滑劑只要沒有殺精劑成份的，都對精子活動能力無影響的，所以如果想避免有懷孕風險，就要戴好安全套。想了解如何正確使用安全套，同選擇安全套，可以參考以下文章：
《Stickypedia系列－安全性行為：第一寶》
明白曬，我已經買左細一碼，咁按我嗰種情況如果完咗之後有即刻清洗陰部，同埋係月經後20日先進行性關係，計算過係排卵期之後嘅，咁樣都有機會懷孕嗎？
另外佢上個月嚟過2次月經，所以唔知今個月會唔會有延遲呢？感謝
其實你地上次性行為既懷孕風險係有，但又唔係真係咁高，所以又唔使咁擔心。不過如真係有憂慮既話可以叩女朋友考慮自行驗孕。自行驗孕可以喺性行為後11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
另外， 排卵期唔係我哋可以準確用肉眼預測到，而高溫或分泌都只係排卵期一啲可能出現嘅狀況，亦唔等於一定係排卵期。如果要準確知道排卵期，都係需要搵醫生檢驗先可以準確知道的。所以計算安全期都唔係太準，你地已經好好，有做足安全措施，只要正確採取安全措施，其實唔使太擔心。
1個讚