早兩個月有試過無套性行為，最近幾日發覺陰道口附近生左粒肉粒
粒嘢完全冇感覺
唔知咩事
Hello你好啊
如果有性病疣，都會係幾粒幾粒、一嚿一嚿咁生嘅，好少係單獨一粒咁，所以就未必係喇，除咗肉粒外，可以留意下有無感到搔癢、灼熱疼痛等。假如發現到有肉粒，其實都有可能係皮脂性閉塞、毛孔發炎、暗瘡等，最近可以注重多啲依方面嘅衛生，保持下體乾爽，勤力啲換內褲、護墊等，避免發炎。
見到都有提到兩個月前發生過無套性行為，都可以過多一個月後，即係不安全性行為嘅三個月後進行性病檢測，你可以選擇去以下機構做免費嘅性病測試。
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時，就可以先及早求醫。不過如果未有出現明顯病徵的話，都建議考慮三個月（三個月已經過左大部分性病嘅空窗期）後，再一次過去做一個全面嘅性病檢測，會比較準確。