食左避孕藥兩個月，一直按照醫生指示去食（第一日黎經就食），食開 28日 YAZ 優悅，24粒粉紅色、4粒白色。
對上一次開藥係9月11號，重要約會唔想經期來係10月6至7號。
想延經應該點食法呢？按道理，月經會係手上呢一排藥食到最後4粒白色既時候黎。
食法應該係點呢？
係唔係應該繼續食完手上呢一排既粉紅色（跳過4粒白色唔食），再直接食第二排既粉紅色？
咁如果重要約會完結左之後，又應該點樣繼續食落去呢？
感謝解答。
Hello, 如果你想延遲經期，可以喺係食完24粒有藥效既避孕藥之後，唔停藥，直接開新一盒藥繼續食，直至你想再次嚟M先停藥。
補充少少資訊，避孕藥係一啲含有高劑量人造荷爾蒙嘅藥物，身體通過吸收人造荷爾蒙，抑制排卵，增加子宮分泌物嘅黏稠度，同埋改變子宮内璧嘅環境，從而達致避孕嘅功效。如果一直服用含有人造荷爾蒙嘅避孕藥丸，身體就會維持喺好穩定嘅荷爾蒙水平；而當你停藥，或者服用不含人造荷爾蒙嘅避孕藥丸時，身體嘅荷爾蒙水平就會改變，呢個時候就會有類似月經嘅出血現象，學理上稱之為「撤退性出血」。
理論上只要你持續服用含有人造荷爾蒙嘅避孕藥，月經就一直唔會嚟，直至你停藥為止，係係食用YAZ 優悅既避孕藥，咁非活性避孕藥（白色藥丸）唔需要食，可以直接開新一包避孕藥繼續食有藥性嘅藥丸，直到你想再嚟月經。
不過留意返因爲今次唔係按正常指示服用避孕藥，所以可能會影響之後嘅經期，同埋身體都有機會出現唔同嘅副作用，所以都建議喺完成延遲經期之後，先停藥一段時間，等到下一次月經嚟嘅時候先食翻。避免因為身體持續吸收人造荷爾蒙，導致之後有流啡嘅情況，你亦記得要注意一下自己嘅身體狀況。
很詳細，謝謝解答。
所以是：
食完24粒有藥效既避孕藥 －＞ 不吃白色 －＞ 開新一排吃有藥效既避孕藥 －＞ 直到想要來經時停止吃藥 －＞ 完經後亦一直停藥 －＞ 直到下一次周期的月經才再吃
問題一：直到下一次周期的月經才再吃，那需要再開新一排藥嗎？（因為雖然上一排只吃了幾粒，但也會打亂了日子，以及不足夠24粒的有藥效避孕藥。）
問題二：延經期間一直吃藥，直到想來月經時停止服用。但如果我不想「等到下一次月經嚟嘅時候先食翻」，那「想來月經時停止服用」之後的吃藥的程序和時間線會是怎樣的呢？
食完24粒有藥效既避孕藥 －＞ 不吃白色 －＞ 開新一排吃有藥效既避孕藥 －＞ 直到想要來經時停止吃藥 －＞ 這個部分之後怎樣處理？
謝謝你！
Hello~為咗令到已經建立左嘅避孕藥藥效唔好消退，其實最好嘅食用方法應該係：食完24粒有藥效既避孕藥 －＞ 不吃白色（唔想嚟M）－＞ 接坐開新一排吃有藥效既避孕藥 （24粒）－＞ 吃白色（嚟M)/ 不吃白色再開新一排吃有藥效嘅避孕藥（唔想嚟M）
重複以上步驟，即係話你係通過skip咗一個停藥期（白色）嚟控制自己幾時嚟M，從而達到延遲嚟M嘅效果，但係每一日都係需要食藥（無論係有藥效定係白色嘅藥丸）嘅，唔會出現停藥嘅情況，如果唔係之前建立嘅避孕藥效就會斷咗㗎啦！
即係話無論點樣都好，嗰24粒有藥效嘅藥丸都係食足嘅！跟住就根據個人需要再睇係食白色藥丸定係開新一排。不過要留意呢個方法最多只可以連續使用三次，即係話連續食三次24粒有藥效嘅藥丸+skip咗兩次白色之後，就一定要比身體嚟M（食白色），如果唔係會對身體唔好㗎！所以唔建議你一直是用呢個方法延遲月經，如果係為咗去旅行間唔中一次嘅話就冇咩所謂嘅
～
另外，喺延遲嚟M嘅過程之中有機會出現不規則出血或者點狀出血，呢個都係屬於正常嘅情況，只要繼續每日準時食藥就可以維持唔嚟M嘅作用，所以就算出現副作用都唔需要太擔心ar~
感謝你的回覆，非常詳細！
也感謝你們一直營運這個網站，讓大家可以在此問問題 ：）
1個讚
幫到你就好啦！有你哋嘅支持，所有嘅付出都係值得嘅
你好，我又回來這裡了。
想問一下，如果我想延經兩星期，係唔係食完手上個排避孕藥，之後繼續開新一排繼續食，食足14粒即兩星期份量既粉紅色，之後開始食白色，或者唔再食粉紅色，就可以的啦？
然後當M到的時候，就再開始係第一日M到時，再吃返粉紅色？
謝謝。
Hello 冇錯啊，你可以食多兩星期份量既粉紅色，之後開始食白色，之後係食完白色個幾粒之後就當新一個周期咁計算，由頭食一個周期就可以了。正常情況下，月經會係食白色藥丸個幾日出現。
你好！我食開敏高樂21粒混合性避孕丸
由於旅行關係想安排延遲經期一星期
12月31日食完第21粒藥丸，應於1月7日開始下一盒第1粒藥丸
請問我應該延遲一星期開始食第1粒藥丸(1月14日開始)，抑或應該於1月7日開始食總共28粒藥丸？
感謝！
HI，因為我唔太清楚你想幾時延遲經期，但按照你既周期，係12月31日食完第21粒藥丸後,食白色藥丸期間就會黎月經，如果你唔想呢段時候黎，可以立即開新一排藥，服食有藥性既藥丸就可延遲經期。詳細可參考之前同事講既情況，而你21粒既情況都係相同的：
你好，我想延遲至2月3號尼M
因為我個款避孕丸只有21粒，想了解係咪同樣可以直接開多盒，食多7粒藥丸，以便延遲一個星期？
感謝！
Hello~
無錯啊，如果想2月3號先有月經，可以食多一星期嘅藥。過程中可能會岀現點狀出血或不規則出血嘅情況，都係正常嘅，唔需要太擔心。～