第一次食事前

最近考慮緊食事前藥 想買yaz 最低劑量個款 但唔知要幾時開始食 同埋食左幾耐先有避孕效果?我23/9(Fri)第一日黎m 29/9(Fri)就完左 咁你咪應該星期日食?因為我見yaz官網係咁寫:face_holding_back_tears:但又有啲page話要月經第一日就食 好亂呀呀呀

Hello~ 事前口服避孕藥嘅服用方式係,喺經期嘅第1-5日開始使用,如果係21粒嘅劑型,需要每日吃一粒,吃完21日停7日,下一包喺停藥嘅第8日開始服用,大約依照食3個禮拜、停1個禮拜嘅邏輯嚟服用。如果喺經期嘅第1-5日開始使用,咁只要連續服用7日藥效就可以建立到,如果唔係喺經期嘅第1-5日開始使用,咁就要14日先可以確保到避孕嘅功效。

如果選擇28粒嘅劑型,裏面就含有24粒有效錠同4粒無效錠、或者21粒有效錠同7粒無效錠兩種,用法都係由月經第1-5天開始服用,跟箭嘴指示每日吃一粒,唔需要停藥。一般嚟講,上述嘅低劑量口服避孕藥需要連續服用最少7天,當藥性喺血液中達到穩定濃度,先產生到避孕效果。如果正確服用,可以達到99.9%嘅避孕率。而嗰0.1%嘅好有可能係因為體質因素,或者因為同時服用其他影響避孕藥的藥物,好似抗生素、鎮靜劑等。而避孕失敗,多數係因為服用下一包藥嘅時間太遲、或者連續三日唔記得咗食藥。唔記得服藥都有補救方法嘅,只要喺12小時內盡快補食,並且繼續服用當天嘅藥丸,或者喺第2日連食2粒避孕藥。如果一連2日都唔記得食藥,應連續2天都服用2顆避孕丸,之後再每天服用1粒,直到食哂成包藥為止。不過,呢種避孕效果仍然有風險,最好喺漏食之後嘅7日之內,配合其他避孕方法,例如使用安全套等,確保避孕效果。

另外,因為唔係人人都適合服用事前藥,建議你喺第一次服用之前搵醫生做個檢查先。同埋都要有心理準備,食事前嘅頭一至三個月都有機會出現副作用,例如體重增加,不規則出血等,一般來講3個月內就會消失。不過如果副作用嚴重,咁就需要覆診,睇吓有冇需要轉過另一隻荷爾蒙水平唔同嘅事前藥啦!

多謝你覆左我呀 同埋想問下 我琴日(月經第五日)仲有少少血 同男朋友無套做左一陣 無射到 懷孕機率係咪都大?:face_holding_back_tears:琴日太心急

因為陰莖喺射精之前已經會分泌尿道球腺液,內含少量精子,直接接觸到陰道都會導致懷孕。雖然你話係月經第五日,但係因為月經有機會同排卵期重疊,所以都係有懷孕風險嘅。

如果擔心嘅話可以考慮喺性行為之後嘅72/120小時服用事後丸,不過要留意事後丸喺香港係屬於醫生處方藥物,需要通過公立醫院急症室,私家診所,家計會取得。另外需要留意事後丸係高劑量嘅荷爾蒙藥物,服用之後會擾亂你嚟緊一至三個月嘅月經周期。

如果你真係好擔心嘅話,可以喺性行為嘅7日或11日後進行驗孕,驗孕棒最早可以喺性行為嘅7日後驗出初步結果,而喺性行為嘅11日或以後驗出黎嘅結果係非常準確嘅~

Okok~咁想問下 第一日開始食藥係咪一定要係月經第一日?因為我已經過左月經了

Hello, 避孕藥唔一定要係月經既第1日服食,一般嚟講,要係月經頭5日內服食,每日一粒,定時服食,連續服食7日藥無唔舒服或者副作用,你既身體應該已經適應左藥物就會建立藥效產生較穩定既避孕效果。如果係服食頭7日內要發生性行為要外加安全措施減低懷孕機率,例如避孕套。

最緊要都係係服食避孕藥前諮詢醫生意見,醫生會根據你個人身體狀況提供最適合你既避孕藥。

1個讚