避孕藥有冇效?

Hello 我上星期五嚟m 當日夜晚大概8:30開咗yaz食咗第一粒(之前停咗冇食 今個月開始食番)但我星期六係朝早7:00左右食 之後嘅日子都係朝早6:50-8:00呢段時間食 想問會唔會影響避孕效果? 同埋我有一日係食完止痛藥之後隔咗一個鐘先食避孕藥 會唔會有影響避孕效果?
另外 我今個period量唔多但好長 去到今個星期五仲有少少血 我琴晚有發生性行為 發生完之前有痛同埋有出血 到宜家仲有痛有出血同少量血塊(血係淡粉紅色)想問出血係因為避孕藥效力唔夠 定係因為我其實係未嚟完m 定還是係損咗?都驚自己食唔啱搞到有機會有小朋友

你好~ 理論上維持到每日準時食藥係最好嘅~ 但係你第二日早咗食再keep 返早嘅時間,係唔會影響藥效建立嘅,而止痛藥都係唔會影響藥效,所以唔使擔心:)

經期長咗方面,有機會係因為食藥未夠耐,所以唔會好短時間嚟完,但係性行為後有痛同埋出血就唔關避孕藥效事喇,非常大機會係有受傷造成,如果呢個出血嘅情況持續,都會建議睇睇醫生~

如果主要都係擔心懷孕嘅風險,就要試吓盡量保持每日相同時間食藥,咁個藥效就可以保持得好好~ 而受傷方面都會建議性行為時使用潤滑液,咁就可以減少受傷嘅機會喇:)

希望以上回覆幫到你!

Thank you.

同埋想問下如果我之後打算長期食yaz 係咪就算食咗3個月以上 食首7粒藥期間發生性行為都要加埋安全套先會減低懷孕風險?定係身體已經建立左個避孕機制 就算唔加安全套內射都唔會有BB?

Hello~ 如果你已經食咗事前藥3個月以上,每日都有準時食藥,身體就已經建立咗避孕藥效,就算唔加安全套內射都唔會有BB 架~ 但係要注意返:如果有食藥後痾嘔,或者有漏食,或者有食緊第啲藥物(例如抗生素),就可能影響到藥效,呢啲時候就可能要考慮使用額外嘅安全措施喇~