同女朋友做嗰陣係女上男下，插到一半陰莖滑咗出陰道，然後嘗試擺翻入去嘅時間唔太成功，試咗幾次都督唔翻入去，就望下咩事。發現安全套甩咗一半，但依然包住龜頭同陰莖上半部。我就搵手推翻個安全套落去，戴翻好，就繼續插入。最後係體外戴套射。Check過注水，冇穿
我都幾肯定鬆脫一半係因為督嚟督去督唔入嘅時候鬆，冇係鬆嘅情況下入過去。但我擔心我隻手掂到陰莖下半部（鬆咗之後冇比安全套包住嘅部分），然後又去推翻好隻套。咁樣算唔算正確使用安全套？有冇機會懷孕？
依家已經係第7日，用唔到事後丸。
安全套大細應該係啱嘅。因為平時插入都唔會鬆出嚟。
我擔心嘅點係怕D precum側漏，之後經由我隻手整污糟咗個安全套。
你好，先多謝你既問題。
根據你講既情況，有可能真係未必同安全套尺寸問題有關，但下次性行為抽插時可能要小心注意一下，就無問題。
另外，擔心precum側漏會污染安全套外部，其實唔使太擔心，你地今次性行為既懷孕風險係好低，所以唔使太過擔心，同埋性行為至今已經有第7日，所以如果真係好唔安心，可以叫女朋友考慮自行驗孕。自行驗孕可以喺性行為後11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
同時，其實都建議你檢查一下宜家使用緊既安全套，確保尺寸合適就更加安心。
安全套嘅尺寸係指安全套嘅大小，就好似平日我哋買衫會有分尺碼一樣，需要透過量度陰莖嘅大小再決定要用咩尺寸嘅安全套。而安全套一般會以【 寬度 (Nominal Width)】或者【 直徑 (Diameter)】去顯示：
寬度 (Nominal Width) 【歐美／香港安全套品牌常用】
是安全套擠扁時橫向的長度，數值上是 圓周 (Circumference) 的一半。
量度方法係量度充血的陰莖根部的圓周，將圓周除二即等於闊度。
直徑 (Diameter) 【日本安全套品牌常用】
是安全套放平時圓形的直徑，算術上 直徑 x 3.14 = 圓周 。
量度方法係量度充血的陰莖根部的圓周，再除以3.14，便是陰莖直徑。
安全套嘅包裝盒上面通常都會寫有寬度或者直徑嘅數字，方便消費者去選擇。亦有一啲牌子唔會刻意係包裝上列出呢啲數值，有機會要上官網或者參考一啲性用品商店網站嘅資料。
想了解如何正確使用安全套，同選擇安全套，可以參考以下文章：
《Stickypedia系列－安全性行為：第一寶》
多謝回覆