沒有前列腺液

今年31歲,一直以來都沒有前列腺液, 跟女朋友一起準備7年也有發生性行為, 亦曾使用KY
這問題一直困擾我, 而且感覺上亦令我比較早洩
請問沒有前列腺液是否身體有問題? 如何才能解決這問題?

你好,先多謝你既問題,首先想了解清楚點解你會話自己無前列腺液?
我估計你指既前列腺液,係指緊尿道球腺液,既成日講既pre cum,其實係每一個男性都會有嘅分泌物,只係差在份量多與少。而尿道球腺液主要作用係潤滑尿道同龜頭,亦是精液既成分之一,如果你有正常嘅製造精液嘅能力,相信你一定會有尿道球線液嘅分泌,所以唔需要太擔心,憂慮自己冇尿道球腺液。同埋亦都想了解下,你話問題一直困擾,係咪有任何嘅不適,又或者喺性行為嘅時候出現困難,你都可以分享多少少,等我哋了解多啲你嘅情況而為你你解難。
至於你話自己有早洩問題,要知道男性在發生性行為時,由插入到射精的時間通常大概是5至15分鐘,而自慰時由於性刺激都是由自己控制,而且自己會較清楚自己的敏感地帶,所以會較容易達致性高潮,因此自慰時由開始到射精的時間,通常都會較插入式性行為短。至於早洩定義是性交時間不足兩分鐘,或甚至未曾開始性交已射精,而且是持續發生的才算早洩,所以估計你的情況應該唔算係早洩。再者在插入式性行為中,不論時間長短,只要與伴侶雙方都能滿足,並能夠互配合達致性高潮,都是正常的性行為,沒有問題的。
另外,如果你真係係射精時間方面有擔憂,都可以嘗試下做凱格爾運動,最主要就是訓練盆底肌,同時可以改善陰莖血液循環狀況。
一開始做凱格爾運動的時候,你需要感受一下盤底肌,試下在小便的期間嘗試截斷尿液,那個肌肉就是盤底肌。知道盤底肌位置後,就可以嘗試收緊盤底肌,維持5秒,然後放鬆,再收緊5秒,再放鬆,如此類推,可以先嘗試做10組,當你熟悉後就可以慢慢增加秒數和組數。
凱格爾運動是沒有就分時候去做,只要你有時間都可以做,因為凱格爾運動係訓練身體裡面肌肉嘅運動嚟,所以要持之以恆先會見到效果,但練習時記得要循序漸進,可慢慢適應,就好似做其他運動不能一開始太過進取。當身體覺得不舒服就要作出相應調整,減少訓練強度/暫停練習,以免傷害到身體。

你好 謝謝你的解答
估計我說的前列腺液就是你說的尿道球腺液
性行為的時候我是有正常射精的,但由興奮勃起到射烯的一刻都是沒有尿道球腺液的
的困擾的地方是由於沒有尿道球腺液導致無套插入時跟女朋友都非常不舒服
所以想知道沒有尿道球腺液是否都屬正常,是不是身體有毛病
謝謝

如果係咁都會建議睇一睇醫生會比較好,因為正常情況下都應該會有分泌,有機會會係腺管堵塞,或者係分泌太少。而如果影響到你哋嘅性生活都唔係一個理想嘅狀態係,所以都可以同醫生講一講你嘅情況,了解返會比較好。