你好, 請問食完事後丸後食避孕丸有影響嗎？會什麼影響？謝謝
Hello, 事前避孕藥同事後避孕藥都係透過荷爾蒙抑制卵巢排卵，抑制子宮內膜發展使受精卵無法著床，增加子宮頸粘液濃度使精子難以穿過黏液進入子宮腔內。而兩者嘅劑量唔同，事後避孕藥比事前避孕藥劑量高好多所以作為緊急避孕措施。
咁都想了解返你目前係咪已經停止服用事後避孕藥？如果係既話，建議月經到咗第1-5日內就開一盒新既事前避孕藥（有兩種：單一荷爾蒙避孕藥，只有黃體酮；混合荷爾蒙避孕藥，有雌激素及黃體酮）食用。係食用事前避孕藥頭7日如果會發生性行為須要使用阻隔性安全措施，例如避孕套。當事前避孕藥食用1-3個月身體無唔舒服或者副作用，咁就表示身體已經適應左藥物會建立藥效。
最後，建議係第一次食用避孕藥前先諮詢醫生意見，因為避孕藥唔係每個人都適合食用，而醫生會根據你個人身體狀況提供最適合你既避孕藥。
謝謝回覆。我上星期六先黎完月經。 我之前無食開事前避孕丸，尋日食左事後避孕丸，所以想知道如果食左事後丸後再食事前會唔會影響事後丸藥力？謝謝
Hello~事前丸同事後丸其實都係屬於荷爾蒙藥物，好似我哋上面同事咁講，佢哋用嚟避孕嘅原理係相同嘅，所以就算相近時間服用都唔會影響兩者嘅藥性。
不過都想比你知道，事後丸嘅荷爾蒙劑量係好高嘅，所以本身已經會擾亂你一至三個月嘅月經周期，同時亦有機會出現副作用。所以如果你同時服用事前藥避孕嘅話，係有機會導致身體嘅內分泌失調，月經更唔規律，副作用更大。同埋事前藥唔係個個都適合服用，而每一隻藥嘅荷爾蒙劑量都唔同，需要配合個人體質服用，所以如果第一次食嘅話，其實都會建議搵醫生做個詳細嘅檢查先，唔好自己笠亂買嚟食呀！
謝謝
1個讚