著床出血和驗孕時間

Hello! 你好!不好意思,是不是遺漏了我這一篇未回覆…今天,我一直在等待和擔憂,所以貼多一次文章…怕你們太忙漏了…

1)著床出血和驗孕的時間有沒有關係?
雖然著床出血是少數女性身上才會發生,
網上有些人說要讓著床出血發生之後,要再等多數天或者一星期才有驗孕的可靠結果的,是這樣嗎?

2)最後一次性行為是9月24日,只是摩擦性器官,但是沒有插入和沒有射精的,都怕precum精子會由陰道口游入去…

10月4日那天晚上(性行為後第十天)有幾滴血…所以昨天早上10月5日(性行為後第十一日)用clear blue ultra early pregnancy kit 驗過尿,結果是陰性的。10月5日當天是沒有出血。

今天10月6日又有點狀幾滴血,所以早上(性行為後第十二天)用了clear blue Digital 電子pregnancy kit 都驗過尿,結果都是陰性。

全部都是晨尿和跟足說明書的。

我這兩次驗孕的結果可信嗎?因為身體的溫度是維持偏高的37.5度,所以害怕是著床出血和怕與性行為相隔時間不夠會影響驗尿的結果…

3)我今個月經期應該是今天10月6日會來,以往的月經是好似血崩一樣,不是點狀出血的。
請問這兩次出血有沒有機會是著床出血?其實著床出血的時間是性行為後多少天會發生呢?

請麻煩再次花時間閱讀和回答,很擔心會懷孕,十分謝謝你們!

Hello你好啊

見到上一次性行為中,陰莖無插入陰道。只要有性接觸,就會有懷孕嘅風險。喺陰莖性興奮時通常會流出透明黏稠液體(尿道球腺液 Cowper’s fluid/pre-cum),當中其實係有機會含有少量精子。雖然比直接係陰道內射精嘅數量少好多,但亦都有機會導致懷孕。所以體外摩擦嘅行為係有一定機會導致懷孕,不過懷孕嘅風險就比直接插入嘅較低,唔需要太擔心

2)唯一客觀、可靠可以知道自己有無懷孕嘅方法係驗孕,驗孕棒其實係透過尿液測緊hCG嘅水平。咁咩係hCG呢?就係如果真係懷孕,當受精卵著床,身體就會分泌嘅一種荷爾蒙,而hCG嘅分泌會隨著懷孕嘅日子增加。一般來講,7日已經會有足夠嘅水平可以檢測得到初步結果,11日之後就會有好準確嘅結果,你愈後嘅日子驗孕,就會因為體內嘅hCG會愈多,而愈容易得到準確嘅驗孕結果 ,依個係唔會受著床岀血影響嘅,所以喺性行為11日後驗孕,就有結果喇!即係話你係無懷孕嘅,可以放心喇~

3)著床性出血係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象,亦都好容易同排卵期出血、陰道擦損出血等情況撈亂,所以唯一可以肯定自己有冇懷孕嘅方法就只有驗孕。即使真係因為懷孕都係只有少部分女性會出現嘅情況。 所以暫時嚟講唔需要過分擔心嘅

至於點解經期前幾日會出血呢?岀血好可能係因為就嚟有月經,依個月經前嘅前兆,通常一兩天之內月經就會出現,偶爾出現淡粉紅色月經前分泌物屬正常,經過氧化後就會變成啡色。咖啡色嘅小出血或者血絲屬於子宮內膜崩落嘅一部分,先係小量月經崩落出血,再嚟就係月經㗎喇,亦都有可能係排卵期出血或者陰道受損。明白未有月經會好擔心,不過月經周期瘦好多唔同因素影響,包括情緒壓力、生活作息,唔係上個月6號嚟,今個月就一定同樣都係6號嚟咁嘅,就算遲一至兩個星期都係一啲正常嘅情況嚟嘅,唔需要太擔心。我已經喺性行為後嘅第11日進行驗孕,結果已經好準確㗎啦,可以放鬆等月經來。

都建議無論任何形式嘅性接觸,都全程正確使用安全措施,咁就可以保障自己同另一半。