月經第一日早上有好多血，下午沖完涼冇血，期間性交，冇帶套，不過只插左1-3下，無射 ，請問懷孕嘅機會大唔大？
你好～ 由於陰莖喺勃起後射精前，會分泌尿道球腺液（pre-cum），而當中可能含有精子，而喺冇佩戴安全套嘅情況下，精子有機會進入陰道從而接觸到卵子，咁就會有懷孕風險。
雖然喺經期期間排卵機會唔大，但係月經未必個個月都咁規律，係有可能喺月經期間排卵，所以月經期間發生性行為，精子係有機會遇上卵子㗎～
冇射精，亦沒有就嚟射精的感覺，有前列腺液嘅會幾大
雖然對方無射精，但尿道球腺液，即你所講既前列腺液，排出既機會係好難預測，因為只要男性係性興奮既狀況下就會排出尿道球腺液，而尿道球腺液係會有少量精子的。
由於唔清楚你既性行為係幾時發生，亦唔清楚距離至今係幾耐，不過如果你希望安心一啲，你可考慮自行驗孕。
自行驗孕其實可以喺性行為後11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。希望幫到你。