避孕套正確使用方法疑問

小編們你地好,我同男朋友發生性行爲都有戴套,但係就發現即使㩒住左儲精囊戴,龜頭附近尤其是龜頭連接陰莖莖身個圈都係有d空氣係度,想問下咁樣係咪正常嘅?如果唔係,咁戴嘅時候有冇咩可以做避免呢個情況出現呢?另外,我地發生性行爲通常都係大家隔著衣物摩擦下先,佢再愛撫我,再戴套先放入去。但佢愛撫我個時會軟左d,我會口交令佢硬返,而戴套前我會抹返乾陰莖先,但我驚戴套過程對手始終會hi到殘餘/新流出嘅分泌物,再hi到落個套出面度而增加懷孕風險。想問我地戴套嘅時機啱唔啱?同埋以上呢個情況嘅懷孕風險高唔高?
Thank you! :pray: :heart_hands:

Hello 正常情況下,應該就唔會有空氣,就算有都只會係好少。正確嘅戴法,應該係撳住儲精囊,然後另一隻手比輕微嘅壓力喺個圈嗰度,慢慢滑落去。

如果真係發覺有好多空氣嘅話,有機會係安全套size唔啱,就可以選購返一個適合自己尺寸嘅安全套。

至於你下邊講嘅情況,如果係為咗預防懷孕嘅話,只要整個插入式性行為都係有戴到安全套嘅話,就可以㗎啦。所以如果你喺放入去之前已經戴套,個時機都係啱嘅。

而你嘅懷孕風險都唔高,因為精子其實好脆弱,喺空氣暴露之下好快就已經會死亡,基本上如果唔係性器官之間有直接接觸嘅話,懷孕風險都好低,所以都唔使太擔心。如果真係擔心嘅話,都可以洗乾淨隻手先再戴套都可以。

希望幫到你。

多謝你嘅回覆 :heart_hands: 我想再補充一下,男朋友陰莖至莖身係比較傘形個種,姐係好似菇甘,我哋即使戴個時即使撳住咗儲精囊,示意圖黃色嘅位置都成日trap左空氣,有時連龜頭都會有氣泡(即黃色圈)。另外我見個套都比較難戴到落底(即掂唔到蛋蛋,陰莖大概覆蓋到85-90%),差唔多到底部個時個套會摺埋曬(圖:白色粗線係個套嘅圈,白色幼線係摺埋咗嘅部份嘅樣)。我哋兩次插入式性行為個套都冇穿/爛,而且冇移位,而男朋友話個套係緊嘅。呢d情況究竟係咪正常嘅呢?而個套咁樣啱唔啱size呢?

多謝你畫得咁清楚~ 呢個trap 氣泡嘅程度係可以接受的,最近要係最頂部嘅儲精囊已經冇空氣~:)至於你話安全套掂唔到蛋蛋,但又覆蓋度85-90% 嘅陰莖,睇嚟係呢款安全套嘅直徑比陰莖根部細~ 如果你男友都有覺得個套緊,我會建議你試吓探索下其他牌子同大少少尺寸嘅安全套,睇吓覆蓋同貼合嘅程度會唔會更加理想,咁就萬無一失喇;)

多謝你哋回覆呀!我想確認下,你嘅意思係咪其實即使龜頭下方連接莖身(即圖中黃色斜間)同埋龜頭上面(圖中黃色圈)有空氣都係正常同可以接受嘅?同埋係咪即係話,其實即使有空氣只要個量唔係多到係性行為中會移去最頂部嘅儲精囊就ok?
Thank you!! :heart_hands:

無錯,呢個有空氣程度係可以接受,另外盡量令到套内減少空氣就可以,同埋根部圈圈能夠貼合陰莖,相信性行為時甩出黎或穿既機會都低。