2/10吃事後避孕藥
7/10後開始出血
8/10無套做愛
（那時還有流血）
10/10沒什麼血
問
1：那這樣會懷孕嗎？
2：月經等於出血嗎？
3：可以再買事後避孕藥嗎
Hello,
-
如果你係性行為後72/120小時內進食事後丸，基本上就唔會有懷孕嘅風險。但因為事後避孕藥係醫生處方藥物，所以都想問問你購買既事後避孕藥係咪醫生處方呢？如果係普通藥房購買既咁藥效可能存疑。如果你好擔心懷孕，可以考慮係性行為後11日進行驗孕。驗孕棒透過檢測尿液中嘅hCG (人絨毛膜促性腺激素)含量，激素會係受精卵著床後開始大量分泌，而一般受精著床呢個過程需要6~9日，係性行為後7日使用驗孕棒的話會有初步嘅結果，而係11日後驗孕結果會更加準確。
-
而食完事後藥之後2至7日會出血，岀血原因係子宮內膜剝落所導致既，即使有排卵，都可以令受精卵跟住內膜一齊排出，避免懷孕。另外，食完事後藥有機會出現流啡既副作用，並唔計為一次月經，所以如果有出血既話，記得要留意出血量同日數。而流啡既血量係好少，而且流血日數較短。根據你既情況有機會係流啡而唔係月經。
-
最後，一次月經週期最多可以食一次事後藥 ，因為在同一經期內重複服用高劑量的荷爾蒙，係會對身體造成負擔，更可能擾亂月經週期。如果要進行性行為一定要做足安全措施，建議佩戴安全套去保障自己同另一半。