避孕藥問題

Hello,我之前一直食開安意避嘅,係家計會開俾我嘅。之後我大約7月頭就停咗藥,因為我覺得副作用好大,例如肥咗好多,就唔想再食。
宜家想再食翻,想問會唔會繼續有體重增加嘅問題㗎?
同埋除咗呢點,其他副作用會唔會都比之前食藥嘅時候更強?
Thank you!

Hello~避孕藥嘅副作用係因人而異嘅,所以我哋都唔能夠判斷你今次食返會唔會再出現體重增加嘅副作用,不過一般嚟講藥物副作用只要過咗三個月嘅適應期就會慢慢消失,所以可以放心:smiling_face_with_three_hearts:。至於你問副作用會唔會比之前更大,一般嚟講係唔會嘅,因為避孕藥唔會喺身體殘留嘅,所以唔會影響身體對藥物嘅接受程度。不過副作用嘅程度都會根據身體狀況而有所影響,主觀感受亦都好難比較嘅,如果真係覺得好唔舒服嘅話可以返家計會覆診,換第二隻牌子/劑量嘅避孕藥,睇吓會唔會好啲~