我想問我理應15日經期會到
但我13／10有過性行為(不過有帶套)
但亦有冇套做(冇射)，咁係咪會直接影響到來經的問題?
Hello, 月經來遲既原因有好多，例如生活作息唔定時、心理情緒唔穩定、壓力過大、飲食習慣既改變、最近有服用藥物（特別係抗生素類），都會影響月經週期。而月經週期由月經出血第一日至下次月經開始既前一日既日數計算。一般以28日為準，但在21至35日之間出現，只要有規律性，都係屬正常。月經提前或延後不超過7日，都算正常。
留意到你同伴侶進行不安全性行為，即係性器官直接接觸而又沒有採取安全措施，其實都會有懷孕風險。因為男性係性興奮時陰莖會流出透明嘅尿道球腺液，尿道球腺液有機會含有少量精子，所以如果尿道球腺液直接接觸到陰道都係會有懷孕嘅機會。
如果想避免意外懷孕嘅機會，都係建議發生性行為時採用安全措施，整個過程使用安全套。