愛愛後 小陰唇腫痛

九月尾 做咗激光脫毛 本身淨係O位 嗰日第一次整埋I位 係清爽啲 但係都好唔習慣 (prefer 吾脫 而家等佢慢慢生番)
去到十月頭 同男朋友愛愛之後
第一次中途覺得 吾舒服 甚至去小便好痛 同埋見到小陰唇腫痛 右邊腫痛 就咁放鬆都見到右邊啲腫都得突出嚟 少少 𣎴過好明顯feel到同埋見到 有啲痛 掂都痛(平時睇小陰唇會俾大陰唇嘅包住唔會特別見到) 坐喺度 瞓喺度 行路都痛 :tired_face:
但係過咗一陣開始消腫 第二日冇事
(平時再激烈啲都試過 同埋都夠濕潤 所以冇特別用 KY) 有做安全措施:saluting_face:同埋咁樣真係第一次:smiling_face_with_tear:
第二日就去家計會睇 睇埋醫生做檢查 但係佢話一切正常 會有吾對稱 好正常 可能係我第一次咁清晰咁見到 同埋腫痛可能淨係磨擦太多 唔夠濕潤 分泌物有少少黃 幫我去拎化驗報告 到而家都未有結果
佢哋話兩三個禮拜都冇消息就即係冇問題
但係之後兩次愛愛都係有類似情況,但係冇咁嚴重
其中一次都有用 ky 但係嗰次陰道甚至係會有啲痛:face_holding_back_tears:
我上網睇有啲人話 唔夠潤滑 又有啲話係陰道發炎:disappointed:(近期作息唔好 分泌物都有少少唔正常 有時候個質感好似lotion 有時候有啲黃 所以近呢幾個月開始有用護墊墊住啲分泌物 但係又有啲人話用咗就更加容易有陰道炎 佢話係因為更加唔透氣 我淨係揀大牌子嗰啲用) 有啲擔心 :tired_face:
可以點好返或者知道自己有發炎:pleading_face:
我喺IG見到有好多 陰道護理凝膠或者精華 嗰啲有冇用㗎?有冇人用過?:thinking:有冇推薦嘅?
有冇人可以分享吓 有冇類似嘅經驗:pray:t2::face_holding_back_tears::pleading_face:
唔好意思,有啲亂:sob::pray:t2:

Hello你好啊

明白依個情況都令人好困擾,要慢慢等啲毛生翻岀嚟:smiling_face_with_tear:

點解脫毛後發生性行為會覺得腫痛呢?其實陰毛有保護陰部嘅作用,可以防止摩擦,當陰部無曬毛,發生性行為時,就會增加咗陰莖同陰部之間嘅摩擦,所以可能會感到腫痛。

依個情況下,增加潤滑作用都會幫到手嘅,見到都有嘗試用ky,但情況好似仲差咗:smiling_face_with_tear:,部分水性潤滑劑含有甘油(Glycerin)成份,有機會影響陰道嘅ph值而造成細菌感染,所以如果本身曾經試過有陰道炎或者本身比較容易敏感嘅話,最好揀選不含甘油嘅潤滑劑啦 。關於潤滑劑更多資訊,可以參考返以下嘅post,咁就可以揀到適合自已嘅潤滑劑喇!:

潤滑劑功能及使用方法 https://www.stickyricelove.com/post/潤滑劑功能及使用方法 13

潤滑劑種類 https://www.stickyricelove.com/post/潤滑劑種類 9

見到擔心自己陰道發炎,除咗分泌物顏色外,仲可以留意下有無以下情況:陰部痕癢、分泌物有帶有異味(腥臭味)、白帶呈乳酪或豆腐渣狀、陰道周圍出現灼熱感等,如果有嘅話,都建議睇醫生,不過見到上次睇醫生都話係因摩擦而造成紅腫,咁就唔駛太擔心啦!

除此以外,見到都有使用護墊嘅習慣,建議可以選用弱酸性的護墊,令陰部保持清爽,亦都更方便清潔。如果真係要使用護墊,記得唔好一片用成日,一旦出現分泌物或者有味道就要即刻換,最多三至四個鐘就要換一次,如果唔係都會增加患上陰道炎嘅風險。

最後,都唔建議喺網上購買私密護理產品,因為始終都唔能夠肯定產品成分、來源,如果依加情況持續,甚至加劇,其實都建議可以再睇多一次醫生,咁就可以清楚了解身體狀況:smiling_face: