大家好，一直都知道女朋友人緣吾錯。一直都有男性朋友主動邀約她食飯catch up. 觸發點係最近有三個不同男性朋友單獨邀請她食下午茶或宵夜。我當然明白同朋友不論男女保持關係係好自然。她亦有提過他們分別都沒有共同朋友，所以都單獨見面。但我就係過吾到自己個關(無安全感)
當中有一個比較特別，因為是對她曾經告白的對象，因為心理狀況不穩定,比較負面，所以想找我女朋友食宵夜談一談。最後因為我拒絕了他。
身為伴侶的我吾希望她跟男性朋友有單獨的接觸，如果係團體活動，我當然無問題。 但亦知道無道理去束縛她的生活自由和習慣。
雖然已經跟她談過，但亦想分享一下，聽下其他人意見。
你好呀 
唔想自己女友同太多異性朋友有太好嘅關係，好多男仔都會有類似想法
不過最重要唔係其他人俾咩意見你，而係你自己點樣睇呢件事，如果覺得佢咁樣做令你唔舒服的話，就主動同佢講下你嘅顧慮啦，當然啦，你都應該尊重返佢嘅社交圈子同交友選擇啦 
呢方面我當然知道。
我都有同佢傾過，我有表達過希望她盡量吾好因娛樂而同異性單獨獨處接觸。 還是說不過去？
之後我就被話，我既建議係反智行為。
無奈一笑
我反而想知道，你同女朋友傾過之後，佢有乜野反應。其實不論男女，安全感上面嘅reassurance都應該做嘅，即使係幾門面都好。
似乎你嘅女朋友都好重視朋友感情，所以會兩脅插刀咁樣去幫助朋友。佢個性格係唔係咁？
你好
佢既反應就係認為佢覺得同男性朋友之間無越線感覺同行為，為何要限制佢交友方式。佢有比我睇過男性朋友對佢既邀請，都係直接問幾時食飯，的確無調情成份。
我問佢，你同佢地係吾係好friend, 佢又話吾係，都係大學同學之類。又或者係曾任職學校既同學仔.
我又希望佢易地而處，如果我一個月同四五個女性朋友，每個都單獨相處兩至三個小時，佢會有乜感覺？佢又話如果係食飯無問題。
我都吾清楚，如果兩個價值觀有差異，又要為對方的立場堅持而互相傷害到，應該點揾平衡？
我諗你地兩個關係都鬧得有點彊, 你女朋友亦似乎唔明白你需要的係安全感。有無試過直接同佢講你想要的感覺呢?
照你咁講佢都會將同男性友人的訊息同你分享, 除左俾你釋疑之外, 我認為係一個幾好嘅切入點, 就係去關心 (八卦) 埋佢嘅朋友。當然呢種關心亦都需要用關心嘅口吻去問, 咁樣女朋友可能會講多啲約會的男性朋友究竟係點, 你會知道佢地動向令你放心, 亦無需要刻意去限制女朋友的交友方式。
其實佢明白我無安全感，但係佢亦認為因為增加我既安全感而改變佢覺得無問題既生活習慣係無理的。不過佢最後都有話自己會去少啲. 不竟都係男性朋友約主動佢，不斷拒絕朋友對她來說也難受。
我知道認識她的朋友會係最好方法，我亦有接觸過她的朋友，都同佢地做到朋友。但我對不斷有更多她和異性朋友單獨接觸，感到無力。
當然她係一個好樂觀，性格上有好多值得欣賞既人。所以先有咁多朋友。但同時我都因為呢點對自己比較無自信。
本人比較傳統，她不太被傳統觀點束縛。
咁你又唔需要因為女朋友嘅外向性格而感到自卑，人就係因為呢啲比較而成日疑神疑鬼，對於你嘅心理都唔好。
其實你地雙方都有一點讓步，我唔知道你嘅女朋友「往績」如何，但如果咁耐以黎都無出現問題，下一樣比較易做嘅，就係點樣調整自己嘅心情，令你對女朋友產生信心。
多謝
呢度有一篇講安全感嘅專欄，可以俾另一個角度你
https://hk.mobi.yahoo.com/style/blogs/yihing/王貽興：安全感不該來自對方-031848959.html