你好, 我同女朋友係14/10有做
嗰陣佢啱啱排卵期 , 全程都有帶套, 亦都末射
但攞返出嚟嗰陣唔少心甩咗, 龜頭都接觸到下陰唇
亦都冇去洗一洗
事後有check 個套都冇穿
之後都有係度問你哋同事會唔會出事
佢哋答我機會微
過多幾日佢就會到嚟M嘅日子
佢都同我講佢唔係好驚
但前一兩日佢同我講佢白帶比之前多咗
我呢排係 Test 同 Group project deadline 都尊心唔到
我其實想用驗孕棒
但我驚搞到女朋友都驚
請問我可以點做
心理我開始有啲唔係好頂得須
呢機日不停諗會唔會出事
因為個陣係排卵期
我想知個出事機率係咪真係微
唔刻哂
Hello, 明白你哋既苦惱，好擔心有懷孕嘅風險，睇返你既情況正如我地同事咁講懷孕嘅風險相對比較低。但都建議將你既諗法話比伴侶知同溝通去使用驗孕捧驗孕，因為呢個係最有效同最方便，知道有冇懷孕嘅方法，如果你地唔放心自己驗，可以預約家計會/醫院嘅驗孕服務，咁就會安心啲啦。另外，情緒壓力都係影響月經週期其中一個好重要嘅因素，見到你話女朋友都因為呢件事好擔心，所以如果遲嚟月經都有機會係情緒壓力影響啊。
你好有嘢想問
我女朋友係9月27日嚟完M
咁10月14日發生咗上面嘅事
佢10月28日處於經期狀態 (用app睇)
但係到而家都係未嚟M
我上網都check過如果計返依家嘅階段
已經係處於孕期第五週（唔知有冇計錯
）
我問佢有冇想嘔, 個人特別攰, 或者特別明顯嘅症狀
佢話冇
反而話依家有嘅嘢都係嚟M嘅症狀
即係有生粒粒, 覺得個肚/子宮想嚟M但係又出唔到, 總之課堂好似搞下搞下痛痛哋, 同之前嚟M嘅情況差唔多
但係都想補充返少少
10月14日之後
因為食大閘蟹季節
佢都同屋企人食咗好多大閘蟹
冇記錯都食咗差唔多3-4日大閘蟹
亦都係咁飲汽水同埋檸檬茶呢類嘅寒涼食物
依家啲症狀同緊我哋講唔會出事
但係佢M始終都未嚟我都仲係好緊張好驚
我想問下我嘅判斷有冇正確
Hello 其實好多經前症狀、谷M症狀都同懷孕症狀好似，所以好難就咁判斷到有冇懷孕。
而且的而且確有好多因素都會影響到月經周期，例如你提到你女朋友最近壓力比較大，同埋飲食習慣上前排都可能食過某啲食物，都好容易會影響到月經周期，可能令佢遲咗嚟M。只要未去到四十幾五十幾日，甚至兩個月都冇嚟M嘅話，其實都仲係可接受範圍。
當然，最好嘅方法都係買驗孕棒驗孕。如果真係唔想染嘅話，都可以等月經嚟，當月經嚟咗嘅話，都代表呢個月經周期所發生嘅性行為並冇導致懷孕。
咁我想問下去到依家呢個時間仲未出現嘔嘅情況係唔係可以唔使驚住先
Hello
因為每個人嘅身體狀況都唔同，例如有啲孕婦會喺懷孕第4週開始嘔，亦有啲係第8週先會嘔， 所以依個唔係有效判斷自己係咪懷孕嘅方法，正如上面同事所講，唯一一個客觀可以令自己知道係咪懷孕嘅方法就係驗孕。明白你會擔心叫另一半驗孕，可能會令對方好大壓力，可以坦誠咁同對方溝通，令對方知道你嘅擔憂，相信可以對方都可以理解~
我哋尋日睇咗中醫
佢話女朋友係只係壓力大同呢排食得多寒涼食物
係咪己經可以排除出事？
聽人講啲中醫都幾準
Hello~
明白真係好擔心，相信中醫嘅判斷係有參考價值嘅，如果你唔相信嘅，當然可以再睇相熟嘅家庭醫生啦。
相信上面都已經解釋咗月經遲嚟同驗孕嘅原理，咁我就唔重複喇。不如一齊思考下，對於懷孕，我地驚嘅係咩？如果真係有咗bb，對你嚟講有咩影響？可能係少咗私人空間？可能打亂咗一啲計劃？依啲影響係咪真係完全無解決方法？如果可以釐清到自己嘅憂慮同恐懼，或者可以令你安心啲。或者試下同另一半討論你嘅憂慮，例如如果真係意外懷孕要點面對，會選擇終止懷孕定係繼續懷孕，或者一齊討論下選擇邊一種適合大家嘅避孕方式？有共識之後可能都可以令你嘅擔心減少呀！
另外，見到之前對於使用安全套都一直有憂慮，可以去我地ig參考下正確使用安全套嘅方法：糖不甩 Sticky Rice Love on Instagram (糖不甩 Sticky Rice Love on Instagram)
除咗安全套外，都可以考慮服用避孕藥，口服避孕藥嘅避孕成功率已經係可達99.7%（perfect use，完全正確使用），及91%（typical use，一般使用）。
任何嘅性接觸都會有懷孕嘅風險，假如覺得依一刻未能承擔依個風險，可能要同另一半討論下係咪繼續發生插入式性行為，改為一啲低風險嘅性行為（例如指交、口交、互相自慰等等），甚至係暫停一切嘅性接觸。直到有一日，你覺得自己心理上準備好，係合適嘅時機再去考慮發生性行為。
唔該曬你哋唔好意思煩到你哋