個情況係 我女朋友食開優悅牌子，24+4 每個月唔洗停，咁佢食完呢個月，食到最後4粒白色個陣，食到第2粒白色，係佢黎M前一日我都有內射，跟住第二日就黎M了，但佢去左旅行買唔到事前，咁會唔會有懷孕機會？因為白色個啲好似無藥效。第二個問題係，佢呢個停左，下個月食翻嘅話係咪係黎M第一日食翻跟住就等七日？
Hello 呢個情況嘅話，懷孕風險都好低。
如果你女朋友每個月都有keep住食嘅話，其實避孕藥係身體已經建立一定避孕功效。雖然白色個幾粒係冇藥效嘅，但有避孕藥嘅藥效依然會係個4日繼續發揮。再加上你哋喺發生性行為之後嚟咗M，都顯示咗冇懷孕風險。
關於幾時開始食返避孕藥，你都講得好啱，如果呢個月需要停咗食避孕藥嘅話，只要係之後嚟月經之後， 頭七日開始食返避孕藥，然後當返係第一次食避孕藥咁計算就可以啦。