Hello，我食咗避孕藥都有半年左右，我係食21停7嘅藥，今個月改咗食藥時間，提早半個鐘，而且今個月一直都有無套性行為，但係最後一日食藥，我唔小心遲咗一個鐘食，之前一直都有準時食，而喺遲食藥嘅後一日有進行內射（即係停藥期第一日），懷孕風險高唔高？
Hello?
Hello你好啊
見到你都食咗避孕藥一段時間，身體已經建立咗藥效咖喇，所以唔會影響避孕藥嘅成效嘅！
係到都想分享少少避孕藥嘅原理，避孕藥係通過人造荷爾蒙去抑制排卵，改變子宮頸黏液嘅粘稠度，同埋改變子宮內膜環境，從而達致避孕嘅功效。所以，喺避孕藥嘅影響下，唔會好似平時月經咁，因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外；服藥期間出現嘅「月經」其實係「撤退性出血」，即係食藥期間，有荷爾蒙，而停藥時，其實冇荷爾蒙成份，而呢個荷爾蒙變化（下降）就會令到子宮內膜脫落，出現出血現象。所以係你停藥嗰七日裏面就會嚟「月經」。不過因為冇排卵，所以即使停藥，都唔會導致懷孕嘅～
最後想提醒一下，明白有時會遲咗食藥，可以set鬧鐘提醒自己，咁就唔駛擔心喇～
唔該晒你🫶🏻
1個讚