我會唔會有咗:((((

你好呀 唔好意思呀
我原本上個月8月30號想打返避孕針 所以就打咗一針 之後就流啡流血重重覆覆咗差唔多一個月 之後覺得好煩 所以9月27號就冇去覆診打針

然後10月10號應該差唔多嚟月經嘅 但唔知係咪上個月嚟咗一個月 所以就冇乜動靜 直至到10月20 我護墊上面有血絲嘅白帶 過多陣到晏晝定唔知夜晚 直程塊護墊有半塊都有淺色嘅血 我以為自己月經 所以10月21日大約3am就冇用套內射咗 第二朝都假有血絲白帶嘅 但之後又開始乜都冇 去到23號嘅夜晚7點我先驚覺我會唔會係排卵期 所以23號嘅夜少11點15分就食咗事後藥

暫時到今日都冇咩特別 係分泌多咗 我聽朝早會驗一次孕先 然後星期六朝早會再驗

想問就咁聽 我懷孕機會率高唔高? 同埋我一開始月經遲嚟應該都係受避孕針影響?:pleading_face::pray:t6:

你好,你既懷孕嘅風險唔高,你唔需要太擔心。
因為你地都有及時地採取補救措施,喺性交後72小時之內服用事後丸。事後丸嘅效用喺97%-99%,所以就算冇出現副作用都好,相信事後丸都已經喺身體發揮效用。而事後丸嘅原理喺透過高劑量的人造荷爾蒙抑制排卵或干擾受精/著床過程,令女性嘅分泌物增加、又或者令子宮內膜變厚,從而令精子唔容易著床。
至於如果你想穩陣啲,確定冇懷孕風險係可以選擇自行驗孕 ,但係驗孕嘅日子需要注意,你今次嘅性行為係喺 21號發生 ,你可以喺發生性行為嘅第七日開始第一次嘅自行驗孕。
如果自行驗孕其實可以喺性行為後第7日或第11日進行,因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。
另外,你月經遲嚟應該未必受避孕針影響,有時雖然有避孕針會影響到周期,身體狀況同心理狀況都一樣會影響到體內荷爾蒙,從而影響到月經。如果你期間有病過食過藥,或者生活習慣有改變,又或者好大壓力等等,都有機會令月經遲到嘅。而且亦有啲人係使用避孕針一段時間之後會出現停經/隔耐啲先有月經或者經血量減少嘅情況,只要確保係無懷孕,都係冇問題嘅。
不過由於你只打咗一針,影響性應該會較細,所以你可以觀察多一排,如果真係未有月經來潮,建議你都需要搵醫生檢查一下,睇下會唔會因有其他原因而影響月經。