我25/10 發生了無套口交
但做愛過程有戴
27/10 夜晚開始四肢冇力 發燒 頭痛 有少少反胃
想問下會唔會有機會已經中咗
我好驚
你好～ 先講少少性病傳播嘅資訊俾你知先：
當高風險體液，例如精液、尿道球腺液、陰道分泌物、腸液同血液，直接接觸到性器官、比較脆弱嘅黏膜組織（例如口腔、肛門、陰道、尿道口），特別係當上面有開放性傷口（正在流血）先會有比較大機會可以造成性病傳播。但係如果口部冇流緊血嘅傷口，其實感染嘅風險係好低嘅～
先講講經由口腔感染性病嘅症狀通常會係點：
1）口腔潰瘍，但未必會感到痛楚
2）嘴巴出現損傷，類似唇皰疹及熱病性皰疹
3）喉嚨紅腫疼痛，出現吞嚥問題
4）扁桃腺炎
5）發紅及出現白點，類似咽喉炎
6）出現白色或黃色的分泌物
就上述所見，同你嘅症狀並唔相似，而會有類似感冒症狀嘅性病係愛滋病，但愛滋病嘅潛伏期係半年至十年，要過咗潛伏期先會出現病徵，並唔會喺性行為之後幾日已經出現症狀～
以下亦提供埋各種性病嘅潛伏期比你作參考：
淋病：約2至3天；梅毒：約3星期；尖銳濕疣(椰菜花)：約2星期至2個月，亦可長達6個月以上；
生殖器皰疹：5至6天；披衣菌：約7至14天，甚至長達6星期以上；愛滋病：半年至10年或以上
所以目前可以唔洗擔心，可以觀察下先～
如果你嚟緊都冇出現口腔感染嘅症狀，你嘅性伴侶亦喺性器官、分泌物同埋排尿方面冇異常，目前出現嘅症狀就應該同性病感染無關啦～
當然為咗健康著想，都建議睇睇醫生，睇吓係咪感冒或流感之類嘅情況啦：）
最後想提醒你，如果想減低性病傳播風險嘅話，常見嘅方法係喺接觸性器官／黏膜組織嘅時候有阻隔，例如使用指套、口交膜等。現時唔少性用品商店／網店都有唔同嘅指套同口交膜賣，你可以考慮使用。甚至可以用更加容易買到嘅安全套自行整，可以參考下：
《Stickypedia系列－安全性行為：第三寶》 同埋 口交膜review
希望以上資訊幫到你！
你好 多謝你嘅回覆
我講漏咗 我係男仔 而我係被人口交
想問下如果戴左安全套 但最後出嚟發現甩左一半
（好似 我唔肯定 因為我好快就攞走左個套 但印象好似甩咗一半）
咁算唔算陰道分泌物直接接觸到性器官？
另外個個甩咗condom嘅位置係冇傷口 同埋好快就沖涼
同埋都有一陣係冇套口交嘅
呢幾樣野想問下中性病風險會大？
hello~啱啱回覆咗你嘅post喇～