今天是口交後3 星期，10 日前去左診所口腔測試，自己用棉花棒係口腔喉嚨定兩邊打圈，打左2-3 次，途中作嘔chur 左一聲，我講返護士知取樣本過程，佢說正確，說有黏膜樣本就可以，最後一星期後醫生說沒有感染。
但今天、口腔有奇異，有白色和一點紅係口入面（見圖）。上網睇唔知係咪HPV….
你好～ 就咁睇圖好難確認佢係唔係性病感染嘅，你介唔介意分享下你去診所做嘅口腔測試係針對邊幾種感染嘅呢？因為每一種性病嘅潛伏期都唔同，而每一種測試嘅空窗期亦有分別，未必每一種性病都可以喺短時間内進行到檢驗，可能10日前並未驗得晒咁多種性病感染～
如果你想一次過進行較全面嘅性病測試，社會衛生科有免費嘅測試，不過要等性行為後3個月後先會有相對準確嘅結果～ 如果想盡快獲得測試結果，可以去私家診所進行埋未驗得晒嘅性病測試，咁就可以盡快得知有冇感染喇～
但係亦都可以先話比你知：大部份性病都可以喺藥物治療下痊癒，只有HIV病毒同部份HPV病毒暫時係無法根治，但係可以喺藥物治療下受控，只要及早發現之後盡快治療，係唔會影響到日常生活嘅～ 而HIV同HPV都係要通過高風險嘅性接觸先會感染到，通過口交感染嘅機會係好低，所以都唔駛太擔心呀～
同埋你而家見到嘅症狀亦都可以係一啲其他嘅咽喉發炎情況，所以你可以稍稍觀察，如果有出現其他嘅症狀或不適，就建議盡快求醫喇～
最後報告出左，醫生說驗淋病和衣原體，但兩樣都無感染，當天是反覆口交和性交，下面以上兩種感染，但口兩次驗都無，直至今天，仍然有白色一點…
我問過醫生，有無機會係染耶菜花，醫生望過我個口無回覆…
另外，我再問有無測HPV 6, 11，醫生話無，而且有潛伏期，可以潛十幾年無病徵…. 我都開始有點亂….
Hello @hello6 , 你介唔介意分享下你去診所做嘅口腔測試係針對邊幾種感染嘅呢？因為每一種性病嘅潛伏期都唔同，而每一種測試嘅空窗期亦有分別，未必每一種性病都可以喺3星期内進行到檢驗。
「潛伏期」既意思係指從感染到出現病徵既時間。暫時就咁睇，3個星期已經過左好多性病既空窗期，即係話就算無病徵，其實都會驗到。其他空窗期較長既性病，例如梅毒、HIV，就咁睇你病徵就唔多似係既。
而椰菜花嘅性病疣係經由人類乳突病毒（HPV）感染，佢會喺性器官或者周圍出現痕癢但唔痛嘅淡紅色肉粒，形狀多為細小粒狀、扁平或菜花狀，但會生得比較不規則，突起嘅大小唔一樣，更加可能會越長越大，而且小肉粒會逐漸增加成簇，一圈一圈好似椰菜花，所以先會有「椰菜花」呢個名稱。
係現階段黎講，淋病空窗期最長係14日，而衣原體空窗期最長係3星期，係排除左以上兩個性病之後，可以再根據你既需要，做埋其他既性病測試。
去診所做測試係淋病和衣原體
明白～所以如果你係想檢查HPV 6, 11或者其他性病嘅話就需要再做詳細嘅檢查～