我啱啱第一個月食yaz28粒裝，食到第6日個陣有內射，之後都有keep住食藥。但食藥時間由於工作關係唔太準時，而且中間有漏食一次，之後有食返。28日入面都有5 6次內射。食到尾二粉紅色藥丸既時間有出少少血之後就得啡色分泌物，但只得少少。直至而家食第二盒yaz 第二粒仍然未黎m，用驗孕棒係negative。請問懷孕風險高唔高。
Hello
一般家計會嘅姑娘，或者我哋都會建議第一次食避孕藥嘅頭七日，都需要用額外嘅安全措施例如安全套去保障藥效。見到你話第六日已經有內射，而且又喺漏食藥嘅情況之下發生唔安全嘅性行為，喺第一次食避孕藥嘅情況來講的確唔太理想。因為身體都需要時間適應藥效，就好似你出血量比較少為例，其實都係其中一個身體適應避孕藥呢啲人造荷爾蒙會出現嘅情況。
如果你係喺最後一次性行為後11日進行驗孕嘅話，結果可以話係非常準確。因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
上個月30號黎m，今日29號我啱啱驗左孕係negative，係咪都唔夠準
你最後一次性行為係幾多號？只要你計返最後一次性行為嘅11日後進行驗孕，結果就已經非常準確。
明白
1個讚