我同我男朋友都係初哥，第一次搞因為係抱着嘗試嘅心態冇搞好耐，琴日係第二次，只要佢抽插得慢嗰套就好容易滑掉，唔知係咪我太濕，但係第一次都冇呢啲問題，中途個套仲跌咗出嚟，不過佢未射所以佢帶返再插，但事後都係覺得唔安心所以食咗一粒事後藥。去到今日係第三次，個套又係滑滑下，今次中途就冇跌出嚟，但係佢射完掹返出嚟之後個套就跌咗，我有好驚啦，但係琴日先食咗一次事後藥，再食應該唔好吧。佢同我講話啲精全部係個套入邊而且掹返出嚟之後先甩，應該冇事，但係都好似有啲唔安心。
Hello, 欣賞你同伴侶進行性行為嘅時候有使用到安全措施。咁喺性行為過程中安全套甩咗出嚟，好有可能係你伴侶使用嘅安全套尺寸唔太適合，建議可以度下同揀返適合自己嘅尺寸；合適嘅避孕套應該貼緊陰莖唔會有鬆嘅感覺。另外，用咗嘅安全套就算無射精都需要更換新嘅安全套再進行性行為。
而安全套嘅尺寸係咁樣量度，當陰莖勃起後量度陰莖根部嘅圓周，再喺買安全套嘅時候根據盒上標示嘅尺寸揀選返合適嘅安全套，通常歐美/香港常用嘅安全套所顯示嘅尺寸係陰莖根部嘅圓周除二，而日本牌子就通常係陰莖根部嘅圓周除以3.14。另外，使用安全套嘅時候記得要唧左儲精囊嘅空氣先將安全套戴到陰莖根部，咁樣先可以確保安全套喺性行為期間緊貼住陰莖，同埋避免安全套破裂。詳情可以留意我哋以下呢個IG post：糖不甩 Sticky Rice Love on Instagram: "上一個post分享咗10個容易令安全套失效嘅原因，而用咗唔啱尺寸嘅安全套係其中一個好常見嘅原因🥺，所以今次就同大家分享買安全套之前要點樣量度同揀合適自己嘅尺寸～ 同揀衫一樣，揀安全套都要由量度將要使用安全套嘅物件（例如陰莖或者性玩具）嘅闊度同長度開始📏。要留意返大部份安全套嘅量度單位係毫米（mm），所以使用軟尺量度嘅時候要記住轉換返個單位。 💫 【闊度／寛度 Norminal Width】量度陰莖／物件最粗嘅位置（通常根部）嘅圓周，再除以2（可以想像將安全套㩒偏橫向嘅長度） 👉例子：軟尺上量度嘅圓周係10cm，首先將數字乘以10，10 X 10 ＝100 (mm)。100 除以二，100／2 ＝ 50mm，就可以得出安全套嘅闊度。 💫 【直徑 Diameter】量度陰莖／物件最粗嘅位置（通常根部）嘅圓周，再除以3.14。 👉例子：軟尺上量度嘅圓周係10cm，首先將數字乘以10，10 X 10 ＝100 (mm)。100除以3.14，100/3.14 = 31.8，就可以得出安全套嘅直俓。 💫 【長度】由陰莖／物件嘅根部量度到頂點 👉例子：軟尺上量度嘅數字係12cm，就要將數字乘以10，12 X 10 ＝ 120 （mm）。 不過大部份安全套都有足夠嘅延展性，所以好少會有唔夠長嘅情況出現（大家可能都見過有人用安全套嚟吹波，證明係可以包覆到有一定嘅長度嘅）。同一時間，亦唔少安全套牌子係無喺包裝上特別列明長度嘅數字架。 另外安全套所屬嘅品牌國家唔一樣，都會有唔一樣嘅尺寸參考～歐美同香港品牌通常都會標示【寛度】，而日本品牌就通常會標示【直徑】。有時亦會見到個數字後面寫住「± 2mm」「± 5mm」等等，例如：「寛度58±2mm」，就代表呢個安全套可以被量度為56～60mm嘅物件使用。 💫 購買小貼士 1️⃣ 尺寸要預先量度先至會知😏，所以都建議大家係屋企預先度過尺寸至去唔同生活用品鋪頭又或者sex toy shop購買～ 2️⃣ 另外都明白大家情到濃時，可能會好突然或者即興要買安全套，又或者啱啱好用完手頭上嘅安全套，想嘗試下唔同新嘅牌子同款式。係呢啲情況下買嘅時候，都建議唔好買太大數量嘅包裝，因為都唔知道自己又或者對方適唔適應😟。而且即使標明係同一個尺寸，唔同牌子或者唔同材質所造嘅安全套係佩戴之後都可能有唔一樣嘅體感🚨。所以都建議買返1～3片裝試一試先，啱用再大手購入～ 3️⃣使用安全套嘅時候，佩戴後嘅感覺應該係唔鬆唔緊，啱啱好貼住至係合適🧣～ 如果因為尺寸太大或者太細，就有可能令安全套係過程中破損💥。詳情可以睇返我地上一篇文：10個令安全套失效嘅原因！ 4️⃣ 依家有越來越多嘅安全套牌子，有啲未必會係包裝上標明尺寸，例如闊度、直徑、長度... 但好多成人用品商店都會係佢地網站列出呢啲資料，係購買之前都可以自己搜集下資料了解下先，或者直接去門市向向店員查詢🙋🏻。 希望呢個post 可以幫到大家了解量度尺寸都有唔同要留意嘅地方，減低係用安全套嘅時候出現突發嘅意外啦🦺～ TEXT: CLAIRE ——————————————— 糖不甩｜性教育｜網上性健康平台💛 對性/性別/關係...有疑問？想搵人傾下？ 糖不甩討論區隨時ready答你問題！識揀，一定揀糖不甩！ Discuss.stickyricelove.com #stickyricelove #糖不甩 #sexeducationhk #性 #性教育 #gender #relationships #sex #hksex #hklove #hkboys #hkgirls #安全套 #condom #套套 #安全套爛咗 #安全套爆咗 #安全套尺寸 #大碼套套 ＃SlimFit套套 #SRL安全套"
至於，你伴侶射完掹返出嚟之後個安全套甩咗咁係唔會有懷孕風險，唔使擔心。咁見到你有食用事後藥，都提醒返事後丸喺香港係屬醫生處方藥物 ，係唔能夠於藥房／個人用品護理店購買得到。一般可以選擇去家計會／母嬰健康院／普通科門診／婦科診所／急症室睇醫生攞事後丸，如果買事後丸時，並非由以上地方嘅醫生處方的話，咁藥物嘅成效、質素及來源就會比較令人擔心。
你講得啱，事後藥係唔可以咁頻密食用。事後藥只可作為緊急避孕措施，一次月經週期最多可以食一次事後藥 ，因為在同一經期內重複服用高劑量的荷爾蒙，係會對身體造成負擔，更可能擾亂月經週期。