尋日去左衛生科 初步檢查 抽血， 要等3星期好擔憂。
Hello~明白等報告嘅依段時間會好緊張
，不如我地一齊了解多啲關於性病~
Hello~首先，性病係屬於傳染病，不分年齡、性別、種族，一般透過性接觸，不論係性交、肛交、口交或生殖器之間皮膚接觸，就有機會經由血液、精液或其他體液感染性病。而性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。因為性病嘅傳染係要有體液嘅交換，所以有用安全套嘅話感染性病嘅風險相對嚟講會低啲。至於傳播途徑，除咗上述提及到嘅，性病主要以血液、精液、陰道分泌或其他體液作傳播媒介。性病一般經性接觸 (包括口交、肛交、陰道性交) 傳染。而有啲性病能夠透過皮膚傳染，例如椰菜花等，即係話就算用咗安全套都好，安全套cover唔到嘅其他位置都有機會傳染到性病。
要留意嘅係感染性病之後會有一段時間嘅潛伏期，係呢段時間裏面病毒或者病菌潛伏喺體內唔會有任何病徵。而即使你已經有病徵都好，都需要過一段時間，等病毒嘅數量累積多啲，先至可以透過唔同嘅方法檢驗出病毒/病菌。以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
只要你係進行過一次唔安全嘅性接觸之後大概3個月，做一次全面嘅性病檢查，其實已經可以檢查到全部嘅性病。
另外，如果係依段時間內再有一個高風險嘅性接觸，其實就要重新開始計算三個月，當你去檢查嘅時候，其實就只能夠反應三個月之前嘅性接觸有無令你感染性病。
如果真係感染咗性病嘅話，就一定要積極進行治療。因為如果性病得到治療嘅話，致命嘅風險都係好低嘅。而當病毒或者病菌嘅數目受藥物控制，減低到冇辦法被檢測到嘅時候，咁即使你同其他人進行性行為，性病都唔會傳染俾其他人（Undetectable = Untransmittable)。即係話你係可以擁有正常嘅性行為同埋健康嘅仔女，所以及早發現及早治療最重要，同埋記住要定期檢測～
要記得，感染到性病唔係世界末日，而性病亦都唔係絕症，希望咁樣你會感覺安心一啲啦～
我去驗係因為喺鼠蹊位生左粒野， 因為位置敏感 所以上衛生科做化驗
我去驗係因為喺鼠蹊位生左粒野（但完全唔合典性病標準）， 因為位置敏感 所以上衛生科做化驗，因為等空窗期等到個人爆左機 所以決定上左去
同日下午去埋基金會做個快測
註， 接觸後80日
Hello~
見到身體岀現狀況而馬上求醫係好好嘅習慣啊！
係到都想了解一下有無發生過不安全性行為，即係性器官、體液直接接觸？
除咗性病外，都有可能係股癬，依段時間可以維持私密部位清潔，沖完涼後仔細擦乾等等，保持衛生~
見到喺上一次性接觸後80日做test,正如上面所講，大部分性病嘅空窗期係3個月，所以都建議過多兩星期再做test,咁就可以有最全面嘅結果喇。
明白有時等待令人好擔憂，我地都希望你明白，假如感染性病，都可以透過藥物治療控制/治癒，可以繼續過你嘅生活，並唔係世界末日咖！
個快測時職員討論過, 80日都好可靠，咁岩嗰日佢地用晒雅培試紙用左另外啲 4合1 做，不過應該唔會有問題掛。
On top，而家都喺度極度留意住身體有啲變化， 三星期呀仲有
相信測試嘅機構同職員都係專業嘅，所以都唔駛擔心用咗另一隻試紙會唔可靠～
明白有時等待令人好擔憂，但係你已經好好咁樣尋求咗專業嘅幫助，無論結果係點都已經展開咗第一步～
要知道即使真係感染到性病，都係可以透過藥物治療／控制／治癒嘅，所以無論三星期後結果係點，最後都係可以唔影響你嘅生活嘅，咁就可以減低憂慮，耐心等待喇：）
今日都同啲NGO staff 傾過輪，都係類近，再講埋啲心理野咁，自知焦慮指數應該爆左錶
或者你可以試吓一啲方法，例如做下運動（散步都得～）、試吓靜觀／冥想、投入一啲可以短時間内專注嘅活動（例如手工藝）等等，去幫助自己放鬆，減低焦慮感，咁起碼呢段等待嘅時間可以過得舒服啲，減少對日常生活、作息嘅影響呢：）
靜觀佢地都有建議過
但自知不直單獨一人去做 怕無人拉返出嚟
個性行為我都唔知叫安全與否成件𥦬怪怪的 又未去到全接觸（套就無穿，上下交都用）
因為做前佢搽左hand cream 落小弟弟上面，套係sagami 0.01 咁先至驚，做左一兩弟鐘就完左，射完 對方唔俾抆出嚟 到差唔多時要拍佢對方先有意識 完事， 成支野出晒嚟係即軟， 嗰時先冼左半節
如果係咁嘅話，都真係的確有患上性病嘅風險，但好彩你都去做咗檢查。另外都見到你話對方搽咗少少hand cream落陰莖上面先再帶安全套，其實呢個都並唔係一個正確嘅做法啊，因為唔知道hand cream有冇一啲令陰莖致敏嘅成份，或者佢同安全套嘅潤滑劑Mix埋之後會唔會引起敏感等等。如果真係有需要嘅話，就建議選擇返適合嘅潤滑劑啦。
事後80日做埋快測 就陰性
喺 基金會
再上guts 問都非常可靠
其實反而係stigma 才是最大問題