我條J 向下彎十分嚴重，大約有30度，每次同女朋友做～ 女朋友都會會陰裂開流微量嘅血，唔知係咩原因，
會唔會係我下彎嘅問題？ 會唔會係太大力？求解 謝謝
Hello,好欣賞你做完愛有留意同重視伴侶嘅身體狀況。睇返你啲情況係「陰莖彎曲」，當陰莖充血後唔挺直，例如陰莖前端向下彎曲呈「點頭狀」、向上彎貼緊肚皮等，又或者陰莖向左右側彎而傾斜角度大於30度，都可以視為「陰莖彎曲」。
只要「陰莖彎曲」不妨礙男性排尿、性生活過程中不對自己和伴侶構成受傷、不影響射精和生育，其實都係無問題嘅，每個人嘅身體都唔同，包括性器官。不過你提到伴侶因性行為受傷，所以建議你去睇醫生做返個臨床診斷，因為陰莖彎曲有機會係由其他因素，例如繫帶太緊或者包莖問題所致。
而陰莖彎曲嘅後天成因有好多，例如陰莖硬結症(即因發炎引致陰莖嘅勃起組織形成硬結或變硬左嘅斑痕組織嘅病)、性行為時姿勢不當導致白膜破裂、外力碰撞傷及陰莖等等。
而係性行為期間/結束有流血，都好大機會係因為過程中出現摩擦，而令陰部/陰道內造成損傷。 可以嘗試使用潤滑劑，減低摩擦以及弄損嘅機會。或者如果已經有使用潤滑劑的話，當潤滑度不足嘅時候就記得再補番多少少潤滑劑啊 （因為有時隨住性行為嘅時間，潤滑劑有機會於過程中乾透，就需要適時再補多少少）。
有時性行為過分激烈都有機會導致疼痛/流血，可以試下將節奏放慢，溫柔D咁進入同抽插。