同男朋友性交後，condom遺留咗係體內，但係condom口係陰道口，想問會唔會大機率懷孕？condom冇任何穿咗嘅情況，使唔使食事後丸？
同埋想問係家教會領取事後丸嘅流程，大約需要等待幾長時間先會通知領取？
Hello 呢個情況都好難確定懷孕風險高唔高，只可以話係有懷孕風險。
因為安全套遺留係陰道，雖然安全套口係向陰道口，但唔肯定會唔會有精液流出，唔清楚會唔會有精液唔小心同陰道接觸到，所以都一樣係會有風險。
以上嘅情況都只能夠講到會有風險，但講唔到風險高唔高。如果真係擔心嘅話，都會建議喺性行為之後72小時或者120小時之內，睇醫生服食事後藥，咁就可以確保冇懷孕。或者都可以喺性行為之後11日用驗孕棒驗孕，到時個結果都會係可信既。
至於事後丸係可以係普通家庭醫生有得處方，另外亦可以到家計會處方事後丸，以下係家計會服務的參考：
http://www.famplan.org.hk/fpahk/zh/template1.asp?content=services/clinic/services.asp&nscref=19
不過要提醒一下，事後丸係需要經醫生評估後才可服用，同埋記得唔好就咁到藥房購買，因為我地唔能夠肯定藥房出售既係咪真正既事後丸。