我有食開避孕藥 今個月都係食完一盒嘅幾日後黎m 琴日凌晨黎嘅 正常血量 今日係第二日但已經得少少血 以前通常都係第三四日先咁少血 咁樣係咪正常 定係屬於著床性出血
你好，首先了解一下避孕藥既原理，避孕藥係通過人造荷爾蒙去抑制卵巢排卵、令到子宮內膜發生變化、增加子宮頸分泌物粘稠度，從而達致避孕效果。
雖然唔知道你服食左避孕藥幾耐，但初時服用身體需要一段時間去適應藥物（時間3－6個月不等，因人而異），所以可能令到月經週期發生變化。而且除咗藥物之外，月經仲會受好多其他因素影響，例如：壓力、作息時間改變、飲食等等。但即使月經有變化，都係要繼續如常服用下一排藥物先可以維持避孕功效。
根據你既情況，如果已經服食避孕藥一段時間，而今次月經有同以往服食避孕藥時有異常情況，建議你需要立即去搵醫生評估一下現時嘅身體狀況，睇下會唔會因為其他原因而影響月經嘅長短。不過暫時唔需要太擔心，因為服食避孕藥嘅時候，正如上面所講月經係會有影響的。
啫係唔會係有咗？
只要你本身有跟住說明書指示，每日準時服食事前避孕藥，亦冇食完之後短時間內出現過嘔吐或嚴重腹瀉嘅情況，咁個藥效就有成功建立同埋維持，懷孕嘅機會係非常非常低，唔likely 係有咗呢：）
我有跟住食 但前牌有試過肚屙 2次左右 係咪都會冇效
咁要視乎返你肚痾同埋距離你食藥嘅時候間，如果係短時間內肚餓嘅話就有機會影響藥效。