早排約新sp試過一次無套 14日後心慌慌去check check咗hiv hsv hpv 梅毒同埋尿道有關嘅病 第一份report 已經中咗hpv同非淋 已睇醫生 醫生話hpv冇藥醫 但自己免疫力可以清到 叫我唔使咁擔心 但要注意有機會有椰菜花 當時未見明顯病徵 而且處於大部分性病嘅空窗期 初步排除冇嘅病可能只有hiv 或者連可以初步排除嘅病都冇 最近每一日都留意下體情況 最近發現下體有兩粒小肉粒及下陰痕癢 心情極度焦慮 準備80日後再驗 現在唯有祝自己好運啦 大家記得做足安全措施
你好，雖然你而家知道自己嘅初步檢測係患有性病，但係其實仲需要喺空窗期後，再進行多一次檢驗，所以暫時先盡量放鬆心情。
一般嚟講性病嘅空窗期都係3個月內，所以可以係3個月後去相關嘅醫療機構或者相關嘅NGO做返性病檢測。係做性病檢測，確定自己有冇性病之前，呢段時間就盡量唔好同任何人有任何嘅性接觸住，避免傳染到比其他人，亦都可能會影響到你性病檢測嘅結果準確性。
性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。
估計你宜家未過大部性病嘅空窗期（即係由感染到病毒量夠高，可以被檢測到嘅時間）所以最好就係喺不安全性行為後三個月做一個全面嘅檢查，咁就可以清楚了解自己身體狀況喇，唔使等到80日之後。以下機構做免費嘅性病測試，有需要都可以去做test：
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
希望以上資料可以幫到你。
下體有異常嘅時候就會聯想到性病 要等三個月時間真係好難捱
1個讚
Hello你好啊
係到想分享多少少hpv嘅資料，hpv病毒入面有大概二百幾種類型，大部分嘅HPV感染都係可以自愈嘅，自身免疫力夠高嘅就可以抑制，唔會引起病變，不過低危hpv中嘅hpv6同hpv11係有機會導致椰菜花（尖性濕疣）嘅，喺性器官附近、肛門有疣。如果發現自己身上有性病疣，可以透過外塗藥物、冷凍治療、進行局部麻醉激光治療等方法進行治療嘅，。即使接受過椰菜花治療，亦可以因免疫力下降或再次感染，使椰菜花復發，椰菜花復發次數會根據患者的免疫系統高低而定，所以可以保持健康嘅生活習慣，維持免疫力，以免復發！
你都可以考慮打hpv疫苗，九價hpv疫苗主要預防當中9種高危型病毒，可以避免因高危型病毒導致嘅肛門癌、陰莖癌、頭頸癌、咽喉腫塊及生殖器官濕疣。
另外見到都好擔心感染hiv病毒，係即使感染HIV都唔代表一定唔會導致愛滋病，假如透過做檢測及早發現HIV，得到適當嘅治療，其實係可以將愛滋病病毒控制到一個不可被檢測嘅數量，就唔會傳染俾其他人，亦都可以繼續有性生活、健康嘅小朋友，唔會導致愛滋病嘅！
至於感染非淋嘅話，可以透過服用抗生素治療嘅，記住要服用醫生處方嘅所有藥物，咁就可以有效根治非淋病性尿道炎！
明白要等三個月，可以係好漫長，每日都好留意身體有無狀況岀現
我地都希望你明白，如果真係感染咗性病嘅話，就一定要積極進行治療。因為如果性病得到治療嘅話，致命嘅風險都係好低嘅。而當病毒或者病菌嘅數目受藥物控制，減低到冇辦法被檢測到嘅時候，咁即使你同其他人進行性行為，性病都唔會傳染俾其他人（Undetectable = Untransmittable)。即係話你係可以擁有正常嘅性行為同埋健康嘅仔女，所以及早發現及早治療最重要，同埋記住要定期檢測～
要記得，感染到性病唔係世界末日，而性病亦都唔係絕症，希望咁樣你會感覺安心一啲啦～
冇中到hpv 6同11係咪可以初步排除椰菜花嘅病發
有90%嘅生殖器疣 (椰菜花) 係由HPV6型同11型引起嘅，所以都可以初步排除感染生殖器疣嘅可能，不過我哋都建議可以留意身體狀況，假如有咩症狀或者改變，都可以向醫生講述出現嘅時間同詳情。
其實樓主有無考慮 lab based 嘅化驗 可以早啲
試咗一間空窗期14日嘅檢測但hsv同乙肝冇咁快可以有確實結果
Good thing
Good thing
咁係就由事發後6-8星期做個full screen (私家就快但要荷包失血，正苦做就等3星期［但等待結果還是心理壓力超大］）
如果等到10-12星期就去NGO(例如choice, 愛滋病基金會等）做快測
嗰種活喺未知嘅恐懼真係好難受 小弟嘅小弟已經開始出現症狀 有尿道炎 未來可能成世都唔掂得女人 又可能之後咩事都冇 但等待空窗期嘅階段嘅煎熬真係唔係人人都受到 我已經為我可能患上嚴重性病嘅後果做好心理準備 自己種嘅因 自己承受返個果 希望睇到呢篇嘅朋友 一定要戴套做安全嘅性行為 到出事時後悔都冇用了
你個情況都可以搵水銀星三號
因你都叫高危 可以快啲做第一次 求個心安
但佢地好旺場 要快
唔好怕醜 打上去 問下啦
Btw 事發後幾耐問一下