話說我係18號去旅行嘅所以唔想嚟M 我係食yasim21粒個隻 想問下如果要避開的話係繼續食一排新嘅？
我係第一個月開始食 係上個月27號開始食嘅
Hello你好啊
如果想延遲月經，只要你食完而家嗰盒藥嘅有藥性藥丸(28粒裝）/所有藥（21粒裝）之後，直接開一排新嘅藥，繼續食藥，直到你想月經嚟嘅時候，就停食藥丸，等月經嚟就可以啦。意思即係當旅行完咗之後，如果你想月經嚟返，就可以喺旅行完咗之後停藥，等月經嚟。
當然月經未必會係你停藥之後即刻就嚟，始終你食多咗有藥藥丸，身體都需要調適返。當月經嚟咗之後，就重新開新一盒藥繼續食。
喺啱啱食避孕藥嘅三個月，會比較容易有不規則出血嘅情況，因為身體需要時間適應，所以即使繼續食藥，都有可能會岀血。
唔該你阿～咁係咪即係如果我22號完旅行想M嚟 我就開新一包食到22號就停 然後等7日之後繼續食直到我食完總共21粒？
最理想嘅情況會係食到22號，然後等嚟完月經就重新開始過食21日然後停7日嘅節奏嘅，但係如果你唔想浪費咗新開咗果一包，都可以喺月經後完成埋佢，等再嚟完下一次月經後再開新一包～ 提醒返經期可能因此會混亂咗少少，不過無論係初初食或者延遲過經期都係正常嘅情況嚟嘅：）