先講少少背景
10月14-15 有帶套口交+ 推油打飛機
中間果幾日龜頭有灼熱感（無論有沒有小便）
10月20 睇左醫生驗尿，驗到「腸球菌屬」
11月4號 推油打飛機
11月4打後果幾日龜頭間歇性輕微觸痛同埋有白色碎屑同一層層白色薄膜咁，另外陰毛下方（近左邊大腿的會陰部，生左粒似暗瘡既粒粒，按下去會痛的）
11月10睇醫生驗龜頭樣本，發現有鬆脆桿菌+動彎桿菌+阿波托氏菌既DNA
驗血應該下星期驗（所以未知疱疹/梅毒/愛滋），但有套口交+推油打飛機應該唔大機會中招？？？
完全沒有任何「無套」性行為，暫時亦摸唔到見唔到有奇怪肉粒
暫時有以下問題：
謝謝
Hello 你好：）
是咁的，先答咗你最擔心嘅問題先：有套口交+推油打飛機的確係唔大機會中招架！因為有套嘅情況下，可以阻隔到高風險體液同身體黏膜組織嘅接觸，而如果係只係手部接觸性器官，你嘅性器官冇接觸到對方嘅體液，或者你嘅性器官冇傷口，咁就好難傳染到性病喇～
當然，有啲透過皮膚接觸嘅性病就仍然有傳染風險啦，不過主要都係講緊性器官或者口部附近嘅皮膚先有傳染力，如果你嘅性器官冇直接接觸過對方嘅陰部/口腔/體液，都唔使擔心呢個部分嘅：）
去返你嘅問題：
1）呢啲菌本身存在喺陰道入面，一旦細菌增生，就會演變成容易導致感染甚至發炎嘅情況，如果喺陰道，就會導致細菌性陰道炎；本身陰莖係冇呢啲菌嘅，但如果你嘅陰莖曾經喺任何時候接觸過任何陰道或陰道分泌，咁佢哋都可以藉此喺你嘅陰莖上面落地生根，成為陰莖本身嘅菌群嘅一份子～ 同樣地，佢哋一般嚟講唔會構成發炎，但係如果細菌增生，就可能會導致發炎喇～
2）細菌性龜頭炎雖然可以透過性行為感染到，但佢唔係性病嚟，而係如果平日衛生欠佳都會有嘅情況嚟～
3）細菌性嘅感染，無論係咪性病，都可以透過抗生素根治，理論上醫生開嘅藥應該係足夠處理嘅，但都要睇你本身嘅新陳代謝嘅快慢，同埋免疫系統活唔活躍～ 所以如果過咗一星期都未好返晒，記得返去覆診跟進呀～
4）陰部疱疹同梅毒係透過感染者嘅傷口以及附近皮膚傳染嘅，如果你嘅身體（特別係龜頭同陰莖）冇接觸過對方嘅陰部同口部，感染嘅機率非常低～ 至於愛滋病係更難傳染到嘅，因為連口水都唔會傳染到，要透過血液或體液傳染，所以喺你嘅情況，除非佢係帶菌者+佢手上有流緊血嘅傷口+有血液接觸到你嘅陰莖+你嘅陰莖有傷口，先有可能傳染到，所以透過打飛機感染嘅機率係微乎其微～
希望以上回覆幫到你啦：）
你好：）
多謝你既解答，咁睇都放心好多，起碼愛滋/梅毒都冇咁易中（疱疹未知，但看來機率偏細？）。不過你講堆菌係陰道先有，但手交前有叫技師洗手消毒，咁冇理由帶到比得我架嘛係咪？
對上一次無套性交已經是大半年前，是跟女朋友做的，但一直都沒有龜頭發炎，直至現在……
有沒有可能是細菌好早已經經由女朋友陰道傳給我，但現在才發作？ 而我每天都要反開龜頭才清洗（但用了沐浴露），所以不明白發作原因…是清潔過度，還是自身免疫力變差，還是其他原因
另外想問發炎其間是不是不要自慰，以免加重發炎症狀？還是其實是沒有影響的？謝謝
尿道驗到有大腸桿菌，龜頭驗到有阿托波氏+動彎桿菌+鬆脆桿菌，算不算是嚴重感染：（
謝謝
手交前如果有洗手消毒，咁其實就難啲有菌可以傳染到俾你喇，當然有傷口嘅話會係例外～
繼續回答你嘅問題～
1）非常有可能係好早已經經由女朋友陰道傳比你，但而家先發作呀～ 因為一旦你進行過無套嘅陰道交，你陰莖嘅菌叢就會多咗呢啲能夠導致細菌性陰道炎嘅細菌，一旦各種菌嘅數量失去平衡，就容易造成感染～用沐浴露清潔其實都係可能嘅成因嚟架，因為唔同嘅肥皂或者沐浴露嘅強度唔同，可能含有刺激性嘅化學物質，或者洗到好乾反而容易損，繼而造成傷口，因為平日嘅皮膚始終同私處皮膚唔同，所以其實唔建議用沐浴露去洗，用手+溫水溫柔地清潔，確保冇藏垢就OK架喇：）
2）發炎期間唔建議自慰，因為陰莖或龜頭嘅狀態同平日唔同，可能會有表面嘅傷口或破損，亦可能更加脆弱、更易受傷，自慰嘅話會增加發炎加劇嘅風險，所以可以嘅話俾佢靜養咗先啦～
3）尿道有大腸桿菌都係常見嘅尿道發炎成因，主要都係衛生原因造成（即使透過性行為感染，都係因為有hi 到有大腸桿菌嘅地方），如果去咗好污糟嘅廁所同埋忍尿忍得多都可能發生～ 我見你嘅症狀未係好嚴重，估計都係好初期，冇發生進一步嘅感染（例如前列腺炎），咁其實唔算嚴重，甚至係好好彩有及早求醫，因為尿道炎都係儘早開始食藥就好快可以控制情況現後根治嘅～
明白你會覺得憂慮，但係好彩你已經求咗醫，亦已經開始治療，咁其實好快就會好返架喇：）
