同男朋友Long D，一年見兩、三次，諗住去搵佢前一個月+個個月先食事前避孕藥，請問咁樣既服用模式o唔ok?之前第一次扑個陣有用套，但大家互相用口同手個陣冇，因為知道前列腺液都有精子，好驚咁算係錯誤使用安全套，之後食咗事後丸求安心
你好～ 呢個服用方式係可以的，不過因為事前藥嘅副作用一般嚟講要持續服藥3-6個月先消退，如果你唔係持續食，咁服藥期間嘅副作用可能會明顯一啲，例如會出現流啡嘅情況～ 同埋提示返，事前藥如果喺經期第一日開始食，會即刻已經有避孕效果，如果喺其他日子開始服用，會需要約一星期時間去建立藥效架～
至於安全套嘅使用上，如果進入陰道嘅手指冇接觸過勃起時分泌嘅尿道球腺液或者精液，咁其實係冇懷孕風險嘅～ 姐係話如果你哋雙方都係各自淨係接觸對方嘅性器官，咁精子就冇機會進入到陰道，就唔會有懷孕嘅風險～ 但係如果唔想過程中要小心翼翼、提心吊膽，可以選擇使用口交套，咁就可以防止含有精子嘅任何分泌有任何機會接觸到陰道同陰部喇：）
明白哂 Thank you～
唔好意思啊 想再問清楚少少 我開始咗係經期既第一日食yaz超低劑量既避孕丸 目前第五日所以仲嚟緊M 係Dcard見到話如果一直流啡係等於隻藥既hormones可能太少 唔啱用？我唔想之後係外國先發現隻藥對我嚟講係太低劑量
Hello
就算係超低劑量嘅避孕藥，只要有跟足指示，每日準時食藥嘅話，都係有足夠嘅避孕功效去避孕嘅，所以就住避孕功效嘅話就唔需要太擔心。
而其實流啡，或者不規則陰道出血都係其中一種避孕藥嘅常見副作用，只要唔係非常嚴重或者持續出現嘅話，都係正常，所以呢方面亦都唔洗太擔心。
不過的確唔係每一隻避孕藥都適合每一個人使用，例如有啲藥可能對某啲人嚟講副作用太勁，所以如果擔心嘅話都可以係食藥前睇醫生，問吓意見。
不過，如果你喺見男朋友之前，都有足夠時間食到2個周期嘅事前避孕藥嘅話，都可以試食咗一段時間先，睇吓身體有冇咩副作用，再決定停唔停藥或者轉唔轉藥都得。
Thank u 🫶🏻
1個讚