我係上一次經期第一日就開始食yaz, 諗住去旅行用嚟延遲月經, 咁就食曬一排嘅粉紅色就開包新嘅粉紅色食, 去到原本月經嘅時間都有D粉紅色分泌, 但我因為照食粉紅色就冇真係嚟到M, 去旅行段時間都有無套內射過, 然後完左旅行就停左冇食藥, 最後一次內射同停藥大約相隔1-2日, 請問我咁樣停藥會唔會懷孕? thanks 
Hello :–) 都想了解返你食藥個個情況，想清楚返係未本身已經食完一次24日有藥效嘅藥物，而最後幾日用藥期間都有進行無安全套嘅性行為？定已經停用事前避孕藥後一兩日先再有性行為？
如果你嘅情況係已經正確地服用事前避孕藥一段時間（1個月以上），身體冇出現嚴重嘅副作用，而性行為亦係用藥期間，咁基本上身體都開始適應藥效，而且用藥個個期間都會有避孕嘅效果。
但如果係係後者，即係停咗藥先再有無套性行為，咁個次嘅性行為就唔能夠做到避孕嘅作用了。
另外都建議吓，如果都已經會有停用藥嘅機會，咁記得再進行性行為時要使用安全套
而且係用藥期間，都建議同時佩戴安全套，咁就可以將懷孕風險再降低。全程正確佩戴安全套，而每日準時服用事前避孕藥嘅話，避孕成功率係高達99%。所以如果平時都會擔心嘅，兩個方法一齊用就會更加穩陣。當然，如果真係只適合/想用其中一樣，懷孕風險都係好低嘅，所以都唔需要太擔心 :–)
唔該曬你
唔好意思講到有啲混亂，我停左藥就冇再有性行為，同埋我都食足左一個月
我最後一次性行為之後都跟時間食左yaz (同一日)
但之後個日因為旅行完結，所以就開始停左藥
所以就擔心會唔會有影響/懷孕嘅風險
Hello, 明白你會擔心懷孕嘅風險，你係發生性行為期間都有按時服食事前避孕藥，加上你已經服食咗一個月，就正如我哋同事咁講你嘅身體適應咗藥物已經產生咗避孕效果，所以唔使擔心懷孕風險係好低嘅。