尋日同SP做嘅時候condom一直已經好鬆，中間拎過出黎一次已經鬆脫咗一半，但當時確定condom仍然包住成個龜頭，我其後已經立即套返落底。但當射完拎返出黎嘅時候condom完全脫離陰莖，而condom留咗係對方陰道，我好懷疑到底係抽出陰莖嗰一下先鬆脫定係射之前已經甩咗。但我最後尚算仍然見到個condom，佢雖然唔係卡係陰唇邊咁出但亦唔係被頂到子宮入面睇唔到嘅位置，condom仍然可見，可能大概陰道中間位置。係射完幾秒後我已經立即拔出我嘅陰莖。
我明白有一定風險，但想了解喺咁嘅情況下我作為男方中性病嘅機會大唔大。如果要做檢測可以去邊度做？過程係點？因為聽聞大機構做護士唔太友善同比較粗暴，單靠藥房hiv檢測器係九十日係檢查足不足夠？Thank you
Halo~ 咁睇我諗你都應該好擔心個下甩套會唔會令自己有性病
但就好似你咁講因為個情況都有啲巧妙，所以就咁聽都好難知道你個情況下有性病嘅風險。不過就性病而言，都要睇下你係擔心邊一種，但一般而言如果性器官同陰道分泌物有直接接觸，都會話係高風險嘅接觸。一般性病都係透過高風險體液（精液、陰道分泌、腸液、血液）同受傷嘅黏膜組織（陰道、尿道口、肛門、腸道、眼睛、口腔等）直接接觸而傳播。
至於性病嘅分類上，而你提及嘅HIV同較多人擔心嘅梅毒做例子，如果你想做自我檢測/由NGO提供嘅快速測試，因為大多數佢地所做嘅測試都係抗體測試，所以都係需要分別3個月同45日嘅空窗期後，先可以得到有效嘅結果；不過，部分機構係HIV測試方面可以提供抗原測試，咁就可以係你擔心嘅性行為後15-28日內，先做一次HIV抗原測試！（不包括梅毒！！！同因為每個機構嘅試紙都有啲唔同，建議可以先向佢地查詢）
而免費快速測試可以查詢嘅嘅政府部門或機構包括：社會衞生科/衞生署/關懷愛滋等。相對嚟講，關懷愛滋會提供不記名服務外，同事係測試期間亦會提供多啲性教育同關心，所以都可以考慮吓佢地服務。但建議先致電查詢，因為佢地對提供比唔同社群朋友仔嘅服務時間會有唔同～ 詳細更多機構資料可以查詢以下連結：27802211.com - 提供愛滋病測試服務的機構
而其他性病，包括皰疹、性病疣等，大部分都可以透過肉眼而觀察到。所以你都可以係呢排自己留意下你嘅性器官/私密部分/分泌物會唔會出現異常情況，例如：潰傷/肉粒/紅腫痛等。如果有以上情況，就記得要盡快去社會衞生科檢查 
另外，如果你真係好擔心、好想盡快知道結果，亦無經濟壓力，咁你都可以選擇直接去化驗所進行各種性病檢測。佢地快就可以做測試亦有唔同選擇，不過就會有啲貴啦～ 