今日係週期第17日，app預計2日後排卵，過往週期都係31-34日左右，早2日都有果凍狀嘅分泌。今日發生咗次性行為，有戴套但因為第一次反轉咗戴，一下就調返轉(因為嗰陣得返一個套)，之後喺套入面射，套冇穿。30分鐘左右後有下體磨擦，冇插入，但我好濕，擔心會唔會有pre cum入到去。唔知食唔食事後避孕藥好，好驚好大副作用。
Hello
就住安全套反轉帶嘅情況，建議下次要換一個新嘅安全套啊，因為有機會男性嘅尿道球腺液掂到安全套，當掉翻轉帶嘅時候就會接觸到陰道，所以都會有意外懷孕嘅機會。另外有關下體摩擦，其實只要性器官有直接接觸就會有意外懷孕機會。所以呢個情況都建議個食翻事後丸啊～事後丸有分72/120小時內食，佢原理係透過高劑量荷爾蒙干擾受精卵著床，阻止意外懷孕。副作用可能會頭暈頭痛，作嘔，同埋會令下一次月經提早/延遲嚟。另外事後丸係香港屬於需經醫生處方藥物，因為並唔係每個人都適合食，所以建議先睇醫生諮詢意見先。