唉！
我一直也有股癬情況，近來不發癢，一時按耐不住，剛才便去找了小姐。
我告訴小姐不要口交，他沒有口交，但卻有用舌頭游走身體敏感位。可能佢見我緊張無咩反應，於是也用口舌「食蛋」，感覺她只是舔陰囊，沒有吸啜，而過程中舌頭也舔到了左腿股癬部分。
然後上套，她陰部有接觸到我大脾近陰部有股癬之處。大約五分鐘左右便完了沖身。
問題是：
唉！又在後悔！早知用錢買自己鍾意嘅嘢好過！
辛苦你們解答了，感謝！
Hello, 明白你擔心感染性病嘅風險，逐一解答返你嘅提問。
係口交前/過程中使用噴霧可能係口交噴霧。市面上嘅口交噴霧一方面會有消毒功效清新口腔，另一方面係提高口交時嘅體驗，例如令到陰莖係觸覺上有冷熱嘅感覺；或嗅覺上聞到芬香氣味刺激神經提高興奮度。
而股癬係受到真菌（皮癬菌）所引起嘅，唔屬於性傳播疾病，理論上唔會經性行為傳染。不過股癬係有可能傳染俾人，傳染途徑係股癬患者嘅皮屑接觸到對方皮膚破損嘅位置令到皮癬菌種植到對方皮膚度從而感染癬病。咁皮癬菌中意滋生係潮濕炎熱環境，例如經常穿着緊身褲好容易形成潮濕高溫嘅環境，若果衞生方面無咁注意就會更易引起皮癬菌感染，而且會經常反覆發作。都建議及早睇醫生治療。
性病係屬於傳染病，不分年齡、性別、種族，一般透過性接觸，不論係性交、肛交、口交或生殖器之間皮膚接觸，就有機會經由血液、精液或其他體液感染性病。而性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。至於傳播途徑，除咗上述提及到嘅，性病主要以血液、精液、陰道分泌或其他體液作傳播媒介。性病一般經性接觸 (包括口交、肛交、陰道性交) 傳染。有啲性病能夠透過皮膚傳染，例如椰菜花等。睇返你嘅情況口交時接觸嘅陰囊無表面傷口同無流血，除非佢口腔裡面有流緊血嘅傷口或者已經有明顯病徵，否則口交傳染性病嘅風險都好低。
如果雙方係無做任何安全措施，而彼此接觸嘅地方皆有流緊血嘅傷口/傷口接觸到對方體液或血液，就有機會傳播到性病。你同對方陰部都無流緊血嘅傷口所以傳染性病嘅風險好低。
不過如果你都係有啲擔心嘅話，可以選擇喺性行為三個月後去以下機構做免費嘅性病測試。
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時，就可以先及早求醫。不過如果未有出現明顯病徵的話，都建議考慮三個月（三個月已經過左大部分性病嘅空窗期）後，再一次過去做一個全面嘅性病檢測，會比較準確。
最後都提醒返，有機會傳染到性病嘅原因並唔係因為性工作者本身好危險，而係發生性行為時並冇做足安全措施。只要冇做好安全措施，同任何人發生性行為嘅時候都有機會會傳染得到性病嘅。所以都要記住做足安全措施。
感謝你的答覆。
記得那噴霧係有陣香氣，d氣味好似有香氣嘅潔手噴霧咁，似乎真係口腔清潔劑。
明白小姐們不代表、亦不一定骯髒，可能佢噴口為左保護自己；但最驚嘅係，如果佢係因口有病而噴，用以遮臭或者以為就咁可以消毒避免傳染，咁就慘了!
當然現在已經無得擔心太多。我只想請教，如果陰部沒有流血或開放嘅傷口，是否風險會十分低？因搔癢而在皮膚上造成一些輕微嘅脫皮，或者留下的輕微擦痕，又會否增加感染風險？另外，若按之前的描述，最大的感染風險是否性病疣及梅毒？
感謝
性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。就好似上面同事所講，如果冇傷口，風險係會比較低。雖然你話你有股癬脫皮，但呢個就同感染性病風險冇咩關係。其實只要有唔安全嘅性接觸，就會有機會傳播到性病，包括淋病、梅毒等等，但前提係你嘅性對象都有相關性病。
衛生科做嘅測試就lab based同埋golden standard ，window period 就比較短 6-8星期去做都conclusive, 但份report 等3個星期， 期間無電話叫你上去都無乜問題不過心理就會形住形住