昨日Sex個陣用 女上姿勢，射完後抽插左幾下，掹出黎既時候女方太心急使男方㩒唔實根部導致卡左一半/三分一 既condom係陰道，漏左好多精係床 以及 男方的肚上。 檢測了condom係冇穿的，只是不確定有冇側漏在陰道。
女方上個月遲左５日黎M，平時只會遲一兩日，週期大概２８ - ３０日左右，
上一次月經來為 １１月４日晚上，於１１月１４日 had sex 。
照面上來看是沒有在排卵期的危險性，但還是不確定所以上來請教一下，以及查詢 懷孕的風險 和 吃事後藥的需要。
謝謝。
另外想再問下，女生方面上個月遲左５日黎M，即使黎完M之後食凍野子宮都會痛，這是正常的嗎？
非經期吃凍野也會有類似經痛的症狀。
Hello 你嘅情況只能講到會有懷孕風險，好難講到高低，亦都唔可以完全話冇。
首先，計算排卵期、依賴安全期去計會唔會懷孕都係唔可靠，因為排卵期可能會提早或者遲嚟。而你地有用安全套，事後都有測試過冇漏，所以呢部分都係懷孕風險低。但係因為我地都唔能夠清楚你地卡住咗個安全套時，有冇任何精液精子漏到陰道，呢個部分都好難答到你有冇機會。
如果真係擔心，都可以係性行為後72小時或者120小時睇醫生，食返事後藥。或者可以係性行為後7-11日買驗孕棒自己驗孕，7日後驗會有初步結果，11日後驗就會有準確結果。
至於月經同經痛嘅問題，其實好多因素都會影響到經期長短，有時情緒壓力、飲食習慣、生活作息等等，都會影響到月經早到或者遲到，只要未去到月經遲嚟3個星期，甚至1個月，都唔洗太擔心。
而嚟完月經後飲凍飲，都仲有經痛，可能係因為身體未恢復，或者中醫角度就係氣血虛弱，所以如果想避免，都可以注意下飲食。
不過，都可以留意下呢個「子宮痛」或者「非期經期痛」嘅情況係咪持續或者係咪好嚴重，因為都唔能夠排除可能係身體有其他問題或者子宮病等等。如果情況持續或者嚴重咗，或者有任何擔心，最好方法都係睇醫生了解返個情況。
希望解答到你嘅問題
1個讚
想再請問一下在第43小時吃了 Ulipristal 的成功率有多少？
如何 確認成功 和 服藥後 肚痛 和 肚子發熱 是正常的症狀嗎？
Hello你好啊
見到服用咗Ulipristal，Ulipristal係第二代事後藥，狂事後120小時內服藥，成功避孕率為98%，72小時內服藥避孕效果更好，見到你地都係有效時間內服用，咁就唔駛太擔心啦。
係到想分享少少，但分享少少事後丸嘅原理：事後丸含有高劑量人造荷爾蒙，透過唔同嘅途徑去緊急避孕，包括：抑制排卵、增加子宮頸黏液分泌令精子難以通過、改變子宮腔環境令受精卵難以著床。
因為事後藥係高劑量嘅人造荷爾蒙，所以一般可能會 可能出現噁心、嘔吐、腹痛、疲勞、頭暈、乳房脹痛或頭痛，月經都有機會提早或延遲，依啲嘅副作用會係服用之後短期內就會消失。
喺食藥後，都有可能會岀現撤退性出血，都可以當係一次月經，食完事後藥後嘅岀血係因為子宮內膜剝落所導致嘅，即使有排卵，都可以令受精卵跟住內膜一齊排出，避免懷孕。
唯一一個能夠確定事後藥功效嘅方法就係驗孕，你可以喺性行為11日後驗孕，咁就可以有準確嘅結果咖喇！
係到都想提醒下，事後丸係唔可以作為常規嘅避孕方法，只可以作為一種補救措施，一個月經週期只可以食一次，一年唔可以食多過三次。且其避孕有效性遠不如其他規律使用嘅荷爾蒙避孕法（如避孕藥）。而喺服用緊急避孕藥之後，呢個月經週期剩餘嘅時間，同埋之後嘅日子，都一定要使用其他高效嘅避孕方法先可以避免意外懷孕，從而保護自己。
1個讚
想問一下，女方在以上事件（16/11吃事後藥）後，直正今天（原定黎Ｍ日期 5/12）發現有小小血漬，但之後又冇黎Ｍ。
但非常肚痛，要食止痛藥，請問這有機會是懷孕了嗎？ （是著床出血嗎？）
上個月黎M也是先來了幾滴，隔了半天才開始黎M。
再保充一下，隔了半天在M巾上只多了幾滴黑黑啡啡的血漬，直至現在還未黎M
Hello, 月經來遲有好多因素影響，例如最近生病有服藥（特別係抗生素）、情緒有起伏、壓力過大、生活作息唔定時、飲食唔規律等。所以如果最近身體都有經歷以上嘅情況，都有機會導致月經來遲。根據你提及既情況，可能係月經前既流啡，應該係就快黎月經，所以可以再觀察多幾日睇下係咪月經來臨，如果之後有月經就唔使擔心。
而著床性出血係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象，亦都好容易同排卵期出血、陰道擦損出血等情況撈亂，所以唯一可以肯定自己有冇懷孕嘅方法就只有驗孕。即使真係因為懷孕都係只有少部分女性會出現嘅情況。