我係今年3月8開始食藥，去到10月24號停藥，10月17-22係我黎m既日子
個apps話應該11月14號會黎m 但我而家未黎m
中間11月7號8號10號同男朋友有性行為
無套 但做到一半就冇繼續亦冇內射
事後先諗起自己停左藥
同埋停藥後第一個月既月經週期會點？
而家擔心會懷孕 咁樣大唔大風險懷孕？
我係今年3月8開始食藥，去到10月24號停藥，10月17-22係我黎m既日子
補充返 我諗apps個月經週期只係跟返我食藥個個週期
Hello你好啊~~
見到都食咗超過半年避孕藥，一般1至2個月內就會回復自然嘅排卵及月經週期。避孕藥係通過服用人造荷爾蒙抑制排卵，喺停藥之後身體需要重新建立返荷爾蒙分泌同埋自然嘅排卵，而身體需要幾耐恢復都因人而異，而且受到你之前持續服藥嘅時間長短影響嘅。所以有機會你停藥初期嘅經期會比較唔穩定。經期會亂嘅狀況都係因人而異，部分人可能會經血量變多或者經期唔規律。但係一般停藥3個月後，經期就會恢復正常。
停藥之後身體已經冇咗避孕功效，身體會即刻有懷孕嘅能力。喺11月發生嘅3次不安全性行為係有懷孕嘅風險，雖然對方無射精，但性興奮時所產生嘅尿道球腺液可能含有精子，所以無論喺月經週期嘅邊一日，喺冇使用安全措施嘅情況下，陰莖同陰道有接觸，都會有一定嘅風險。你可以喺最後一次性行為嘅11日後驗孕，就有準確嘅結果咖喇。